Մոսկվան հարձակման է անցնում. FOCUS Online

Ներկայումս Ռուսաստանն ունի երկու նպատակ՝ Միացյալ Նահանգների հետ հավասար պայմաններում բանակցությունների վարում, ինչպես նաև Եվրոպական միության թուլացում, և հատկապես՝ դաշնային կանցլեր Անգելա Մերկելի: Այսպիսին են Արևելյան Եվրոպայի հարցերով փորձագետ Շթեֆար Մայսթերի վերլուծության արդյունքները: Նա մեղադրել է Մոսկվային՝ ազդեցություն գործադրելու համար՝ խորամանկ մեթոդների կիրառման մեջ:

FOCUS Online-ը ներկայացնում է նրա հետ հարցազրույցը:

- Անվտանգության կոնֆերանսից երկու շաբաթ անց Ռուսաստանի հետ եկխոսության ո՞ր փուլում ենք:

- Հռետորաբանությունը մոտեցել է, իսկ ռուսական կողմից ագրեսիվ լեզուն մի քիչ ավելի զուսպ է դարձել:

- Ձեր կարծիքով՝  ինչի՞ հետ է դա կապված, և արդյոք ներկայիս կարգավիճակը հեռանկարներ ունի՞:

- Մոսկվան ակնհայտորեն հետաքրքրված է երկխոսություն սկսելու մեջ, սակայն պատրաստ չէ կենտրոնական հարցերի շուրջ փոխզիջման հասնել: Բացի այդ, վստահության կորուստն այնքան հիմնարար է, որ արդեն քիչ վստահություն կա Ռուսաստանի հետ բոլոր պայմանավորվածությունների վերաբերյալ: Սիրիան ցույց է տալիս, որ պայմանագրերը կնքվում են, սակայն շուտով նրանց դիրքորոշումները ևս մեկ անգամ հարցականի տակ են դրվում:

- Դուք մի մռայլ պատկեր եք ներկայացնում՝ Ռուսաստանի հետ հարաբերությունների վերաբերյալ:

- Մենք բոլորս էլ շահագրգռված ենք գոյակցության ձև գտնելու մեջ: Սակայն, երկու կողմերն էլ չգիտեն, թե ինչպես պետք է դա անել: Մեդվեդևը հանդես է եկել որպես սիմվոլ. նա լավ ոստիկան է, որին Մյունխեն են ուղարկել, որտեղ նա ելույթ է ունեցել Պուտինի ոճով: Սա դռան հետևի առաջարկ է: Եվ մենք պետք է մտածենք, թե արդյոք պետք է համաձայնվենք դրան:

- Ինչպիսի՞ն է այժմ Ռուսաստանի ներկայիս ռազմավարությունը:

- Մոսկվայի հիմնական նպատակը հետևյալն է՝ խոսել ԱՄՆ-ի հետ հավասար պայմաններում և հասնել նրան, որպեսզի Ռուսաստանը միջազգային հարաբերություններում որպես կենտրոնական դերակատար ընկալվի: Խոսքն ամբողջ ժամանակ հետխորհրդային տարածությունում Մոսկվայի հեղինակության մասին է, ինչպես նաև ինքնահռչակ առաջնորդության ճանաչման մասին: Սիրիայի պատճառով՝ Ռուսաստանը դուրս է եկել մեկուսացումից, որում նա հայտնվել է ուկրաինական ճգնաժամի արդյունքում, և ստիպել է Միացյալ Նահանգներին խոսել Պուտինի հետ, քանի որ նա կոնֆլիկտի լուծման մի մասն է:

- Իսկ ինչպիսի՞ն է ներեվրոպական ռազմավարությունը:

- Այս ուղղությունը մենք թերագնահատել ենք, քանի որ Մոսկվայի համար խոսքը վերաբերում է Եվրոպական Միության և մեր հասարակությունների թուլացմանը: Դա արվում է մեր համակարգում թույլ կողմերի օգտագործման հաշվին: Հետևաբար, Մոսկվան փորձում է աշխատել պոպուլիստական և հակաժողովրդավարական խմբերի ու կազմակերպությունների հետ, ինչպես աջ, այպես էլ ձախ կողմում: Լրատվամիջոցները կասկածի տակ է առնվում, մշակվում են ֆեյք պատմություններ, իսկ բազմակարծությունն ու դավադրության տեսությունները մեր դեմ են ուղղվում:

- Սա նո՞ր ռազմավարություն է:

- Ոչ, այն մեզ հայտնի է դեռևս Սառը պատերազմի ժամանակներից: Սակայն, այսօր մենք դրան պատրաստ չենք: Ռուսաստանը նախ և առաջ պաշտպանեց իրեն, իսկ այժմ անցնում է հարձակման, որպեսզի թուլացնի Եվրամիությունը, Գերմանիան և հատկապես դաշնային կանցլերին, ինչպես նաև, որպեսզի ստանա արտաքին քաղաքականության տիրույթ՝ մանևրի համար:

- Ի՞նչ արտաքին քաղաքականության տիրույթ նկատի ունեք:

- Մոսկվան միայն այն ժամանակ է համաձայնվում է փոխզիջման, երբ ստիպված է լինում դա անել: Գերմանիայի դերը պետք է թուլանա, իսկ դաշնային կառավարությանը պետք է վնաս հասցվի այնպիսի հարցերով, ինչպիսին է փախստականների հետ ճգնաժամը, և այս ամենն արվում է, որպեսզի չթույլատրվի զբաղվել ուկրաինական ճգնաժամով, ինչպես նաև Ռուսաստանի դեմ պատժամիջոցներով: