Էրդողանը ոտնահարել է Թուրքիայի վերջին հույսը. Al-Monitor

Թուրքիան ցնցված է. մի իրավիճակում, երբ նախագահը հայտարարում է Սահմանադրական դատարանի որոշմանը հավանություն չտալու մասին՝ հարց է ծագում առաջնորդի օրինականության և նախկինի պես պետության հետագա գոյության մասին, գրում է Al-Monitor-ը:

Թուրքիայի Սահմանադրական դատարանն անցյալ շաբաթ որոշում է կայացրել, որ Cumhuriyet ընդդիմադիր թերթի լրագրողների՝ Ջան Դունդարի և Էրդեմ Գյուլի ձերբակալությունը, ովքեր բացահայտել են Անկարայի կապը «Իսլամական պետության» հետ, անօրինական է: Սակայն, նախագահ Ռեջեփ Թայիփ Էրդողանը հայտարարել է, որ ինքը չի կարող կայացնել այդ որոշումը, հարգել այն և հետևել դրան, քանի որ լրագրողների գործունեությունը, նրա խոսքով՝ ոչ մի կապ չի ունեցել խոսքի ազատության հետ և լրտեսություն է եղել:

Լրագրողների հետ դեպքը հստակորեն ցույց է տալիս, որ Թուրքիան դարձել է հիբրիդային պետություն: Մի կողմից, փորձում է գործել ժողովրդավարության օրենքների շրջանակներում, իսկ մյուս կողմից՝ նախագահն ամեն կերպ խոչընդոտում է դրան: Էրդողանը վաղուց հասկացնել է տվել, որ իր նպատակն է՝  երկրում ինքնիշխան, տոտալիտար կամ աստվածապետական ռեժիմ հաստատելը, որտեղ բոլոր որոշումներն ընդունվելու են անձամբ նրա կողմից, գրում է պարբերականը: