ՌԴ-ն մնացել է առանց թուրքական տեխնիկայի՝ ճգնաժամի պատճառով. Hürriyet Daily News

Vestel էլեկտրոնիկայի և կենցաղային տեխնիկայի թուրքական արտադրողը փակել է Ռուսաստանում գործարանը՝ որպես պատճառ նշելով 2014 թ. ֆինանսական ճգնաժամը, հաղորդում է Hürriyet Daily News-ը:

«Մենք փակել ենք գործարանը դեռևս այն բանից առաջ, երբ ճգնաժամ է տեղի ունեցել՝ 2015 թ. նոյեմբերի 24-ին խոցված ռուսական կործանիչի հետ... Մենք կտեղափոխենք սարքավորումները: Այժմ այլ տեղ ենք փնտրում արտասահմանում գործարանի համար, բայց կարող ենք այն Թուրքիա տեղափոխել»,- մեջբերում է պարբերականը Vestel-ի տնօրեն Թուրան Էրդողանի խոսքերը: Ռուսաստանում, ինչպես հիշեցնում է Hürriyet Daily News-ը, ընկերությունն արտադրել է հեռուստացույցներ:

Չնայած Vestel-ի հեռանալը ռուսական շուկայից կապված չէ Ռուսաստանի և Թուրքիայի միջև հարաբերություններում առկա ճգնաժամի հետ, շատ թուրքական ընկերություններ հեռանում են Ռուսաստանից՝ երկու երկրի միջև հարաբերությունների վատթարացման պատճառով: Այսպիսով՝ վերջերս ռուսական շուկայից հեռացել է թուրքական «Կրեդիտ Եվրոպա բանկը»: