ՌԴ` պատրաստվիր, ԵՄ-ի նոր մահաբեր տանկն է գալիս. National Interest

Ռուսական տանկային զորքերի կողմից սպառնալիքին բախվելով`Գերմանիան սկսել է նոր սերնդի գլխավոր մարտական տանկի մշակումը, որը երբեմն «Leopard 3» են անվանում:

Դա բավականին ուշ քայլ է, որը վաղուց պետք է իրականացվեր: Խնդիրը նրանում է, որ «Սառը պատերազմի» ավարտից և Գերմանիայի վերամիավորումից հետո`Բեռլինը երկու տասնամյակ շարունակ անտեսում է իր բանակը:

Կարճ ու միջնաժամկետ հեռանկարում Գերմանիան ստիպված կլինի մոդեռնիզացնել իր հզոր «Leopard 2А7+» տանկերը`որպես Ռուսաստանի նոր սերնդի Т-14 «Armata» հիմնական մարտական տանկին հակազդելու զենք: Միևնույն ժամանակ, Գերմանիան ընդունում է, որ ավելի երկարաժամկետ հեռանկարում` 2030-ական թվականներին, և հետագայում այն ստիպված կլինի նոր մոդելի փոխել «Leopard 2»-ը: Հետևաբար, Բեռլինը`Ֆրանսիայի հետ համատեղ, սկսել է մշակել «Նոր սերնդի ցամաքային պայքարի հիմնական համակարգը»: