Ռուսաստանը մուտք է գործել XXI դար և սպառնալիք դարձել. Defense News

Եվրոպայում ԱՄՆ-ի ռազմաօդային ուժերի հրամանատար, գեներալ Ֆրենկ Գորենցը շարունակում է այդ տարածաշրջանի համար Ռուսաստանին ամենագլխավոր սպառնալիքը համարել: Նա ուշադիր հետևում է Ռուսաստանի գործողություններին, և գտնում է, որ իր խոսքերին չի կարելի վստահել, գրում է Defense News պարբերականը:

«Յուրաքանչյուր ոք աշխարհին իր տեսանկյունից է նայում: Ես`Գերմանիայից, Ռամշտայնի բազայից: Ես նայում եմ դեպի արևելք, և տեսնում շատ ուժեղ Ռուսաստանը»,- հայտարարել է Գորենցը պարբերականին տված հարցազրույցում: Ռուսաստանը շարունակում է գործել համաշխարհային կարգի շրջանակներից դուրս, այն «ոչինչ չի խոստովանում և հերքում է ամեն ինչ»: Բացի այդ, նա «ցույց է տվել իր հնարավորությունները լոգիստիկայում՝ մեծ հեռավորության վրա հարվածների հասցմամբ»:

«Ես չեմ վստահում նրան, ինչ նրանք են ասում: Ինձ ավելի շատ հետաքրքրում են իրենց գործողությունները: Եվ դեռևս ոչ մի լավ բան ես չեմ տեսել»,- ասել է գեներալը: Նա ընդգծել է նաև, որ ԱՄՆ-ն շատ բան է անում` Եվրոպայում իր դաշնակիցներին աջակցելու համար, սակայն նրանք գտնում են, որ դա, միևնույն է, բավարար չէ: «Հիմա, կարևոր չէ, թե Ռուսաստանը համար առաջին սպառնալիքն է, թե ոչ: Կարծում եմ, որ դա այդպես է: Եվ այդ սպառնալիքը գնալով լրջանում է»,- ասել է Գորենցը: