ՌԴ-ն ծաղրում է Արևմուտքին. Focus

Ղրիմի բռնակցումը, Արևելյան Ուկրաինայի ապակայունացումը, Սիրիայում միջամտությունը՝ Ռուսաստանի արտաքին քաղաքականությունը, մտահոգություն է առաջացնում աշխարհում, և խախտում կանոնները, որոնց միաձայն հետևում էին բոլորը: Քաղաքագետ Ալբերտ Շտախելը նշում է, որ Պուտինը կարող է իրեն թույլ տալ այս ամենը միայն այն պատճառով, որ Միացյալ Նահանգները այժմ ղեկավարում է նախագահը, ով չի ձեռնարկում որևէ պատասխան միջոցներ, գրում է Focus-ը:

«Այլևս ոչ ոք չի հավատում Ամերիկայի հզորությանը»,- նման քննադատական դատավճիռը, որը կայացրել է հանրապետական Ջոն Մաքքեյնը՝ ուղղված է եղել Բարաք Օբամային: Կշտամբանքն այն էր, որ նա թույլ նախագահ է և թույլ է տալիս Ռուսաստանին անել այն, ինչ նրա սրտով է: Մաքքեյնի հայտարարությունը վերաբերում է 2014 թ.-ին, երբ Ռուսաստանը բռնակցել է Ղրիմը:

Ի պատասխան՝ ԱՄՆ-ն տնտեսական պատժամիջոցներ է սահմանել Ռուսաստանի դեմ: Ըստ ոմանց, սա բոլորովին բավարար չէ: «Պուտինը շախմատ է խաղում, մենք՝ գնդակ», - հեգնանքով ասել է Մաքքեյնի դաշնակիցը՝ Մայք Ռոջերսը: Նա նույնպես հարձակվում էր ամերիկացի նախագահի վրա. «Օբաման խոսում է, Պուտինը՝ գործում»: