Պոպուլիզմ. Թուրքիան առաջ է անցել

Գլոբալ քաղաքականության մեջ «պոպուլիզմի» աճ է նկատվում, գրում է Habertürk-ը:

Որպես օրինակ վերցնելով ցանկացած երկիր՝ ամենուրեք պոպուլիստական հռետորաբանությամբ քաղաքական շարժումները գնալով նոր թափ են հավաքում:

Պոպուլիզմը մի քաղաքականություն է, որը խթանում է ժողովրդի բնական արձագանքը՝ գերիշխող ուժերին և քաղաքական հայացքներին, որոնք այս, կամ այն երկրում հանդես են գալիս որպես տիրապետող և անպարտ, և նոր հավաքական գիտակցություն է ստեղծում:

Ըստ էության՝ դա քաղաքական ռազմավարություն է, որը ժողովրդի էմոցիոնալ ռեակցիաները, ձգտումներն ու ակնկալիքներն է մտցնում քաղաքականություն:

Այս ռազմավարությունը բնորոշ չէ որևէ մեկ քաղաքական գաղափարախոսությանը. լինում է ինչպես ձախ պոպուլիզմ, այնպես էլ՝ աջ: Նույնիսկ ֆաշիզմն ունի պոպուլիստական դիսկուրս:

Սակայն, եթե մենք հավատում ենք ժողովրդավարությանը, պոպուլիզմն այն հռետորությունը չէ, որը մենք կարող ենք մերժել, դադարեցնել կամ կարևորությունից զրկել:

Այն, որ դա հնարավոր չէ, տեսանելի է բազմաթիվ երկրների օրինակով, մասնավորապես՝ Ամերիկայի և Մեծ Բրիտանիայի:

Ամերիկյան քաղաքականությունում կան երկու աճող աստղեր: Դրանցից մեկը՝ Դոնալդ Թրամփն է, երկրորդը՝ Բերնի Սանդերսը: Նրանցից մեկը խաղադրույք է կատարում աջ պոպուլիզմի վրա, մյուսը՝ ձախ:

Պոպուլիզի աճի միտումը ցույց է տալիս, որ այսօր այն կուսակցությունները, որոնք չեն հետևում այս հռետորաբանությանը և չեն կարողանում ալիք հարթել ժողովրդի հուզական ռեակցիաների համար, միանշանակ, հաջողության հնարավորություն չեն ունենա:

Նման հանգամանքներում, մեծ են Թուրքիայի «Արդարություն և զարգացում» կուսակցության  (ԱԶԿ) շանսերը՝ պայմանավորված է նրանով, որ ժողովրդի զգացմունքային արձագանքը ներառել է քաղաքականության շրջանակներում:

ԱԶԿ-ն բացել է այդ արձագանքների արտահայտման ուղիները, և նույնիսկ դրանք իշխանության բերելու հնարավորությունը գտել:

Ակնհայտ է, որ պոպուլիստական քաղաքականությունը, որը նոր է սկսում բարձրանալ համաշխարհային մակարդակով՝ ԱԶԿ-ն վաղուց է կյանքի կոչել Թուրքիայում: Դա է պատճառը, որ ԱԶԿ-ն համաշխարհային միտման կենտրոնում է, և եթե նրան հակառակվող կողմերը չկարողանան զարգացնել այլընտրանքային պոպուլիստական հռետորաբանությունը՝ նրանք շատ երկար ժամանակ ոչ մի շանս չեն ունենա: