ՌԴ ռազմատիեզերական ուժերը գերազանցել են դաշինքի ուժերը. ՆԱՏՕ-ի գաղտնի զեկույց

ՆԱՏՕ-ն Սիրիա է ուղարկել շատ ավելի ինքնաթիռներ, քան Մոսկվան, սակայն ռուսական գործողությունը ցույց է տալիս շատ ավելի բարձր արդյունք՝ շնորհիվ օդաչուների գերազանց հմտությունների և ռազմական տեխնիկայի հզորության, գրում է գերմանական Focus հանդեսը՝  հղում անելով կազմակերպության գաղտնի վերլուծական զեկույցին:

Փաստաթղթում նշվում է, որ 40 ռուսական կործանիչները՝  Լաթաքիայում տեղակայված, մեկ օրվա ընթացքում կատարում են մինչև 75 թռիչք՝ ամեն անգամ ԻՊ-ի դիրքերին «ճշգրիտ և արդյունավետ հավածներ» հասցնելով: Մինչդեռ, ՆԱՏՕ-ի ուժերը, որոնք ընդհանուր առմամբ 180 մարտական ինքնաթիռներ ունեն, օրական կտրվածքով ոչնչացնում են ընդամենը 20 թիրախ:

Սիրիայում Ռուսաստանն օգտագործում է առավել ժամանակակից տեխնիկա: Որպես օրինակ՝ Մոսկվան Լաթաքիա է ուղարկել Սու-35 չորս ինքնաթիռ, որոնք, ըստ փորձագետների, գերազանցում են արևմտյան արտադրության իքնաթիռների մեծ մասը:

Բացի այդ, իր հաշվարկներում, Մոսկվան օգտագործում է Սիրիայի օդային հետախուզության տեղեկատվություններն ու Ռուսաստանի հատուկ ծառայությունների տվյալները, որոնք պարբերաբար զեկուցում են ռազմավարական կարևոր նշանակության օբյեկտների մասին, հաղորդվում է փաստաթղթում:

Դաշինքի վերլուծաբանները նշում են, որ հատկապես Ռուսաստանի գործողությունն է ստիպել ԻՊ-ի ահաբեկիչներին փախչել գրավյալ տարածքներից և դադարեցնել «ուժի դաժան ցուցադրումը»:

«Չնայած նրան, որ արևմտյան քաղաքական գործիչները պարբերաբար խոսում են Ռուսաստանի կողմից ապստամբների վրա հարձակման և քաղաքացիական բնակչության շրջանում բազմաթիվ զոհերի մասին, զեկույցում չկա ոչ մի հիշատակում խաղաղ քաղաքացիների մասին, որոնք տուժել են ռուսական օդային հարվածներից», - ընդգծում է Focus-ը: