ՌԴ-ի հանդեպ Էրդողանի անկանխատեսելի գործողությունների վերաբերյալ մտավախություն ունի ԵՄ-ն. Financial Times

Գրեթե երբեք Եվրոպական միությունը չէր զգում Թուրքիայի կարիքն այնքան, որքան հիմա, և գրեթե երբեք Անկարան չի եղել այդքան տհաճ գործընկեր ԵՄ-ի համար: Բրյուսելը ձգտում է Թուրքիայի օգնությամբ լուծել փախստականների ճգնաժամը, սակայն կան շատ գործոններ, որոնք բարդացնում են կողմերի համագործակցությունը, գրում է The Financial Times-ի հոդվածագիր Գիդեոնը Ռահմանը:

ԵՄ-Թուրքիա գագաթնաժողովի առանցքային հարցը, որը տեղի կունենա երկուշաբթի օրը, լինելու է ներգաղթյալների խնդրի լուծումը, որոնց, ինչպես հույս ունի Բրյուսելը, Թուրքիան շարունակելու է պահել իր տարածքում և կանխելու է դեպի Հունաստան նրանց տեղաշարժումը: Սակայն, իր բոլոր գործողություններով Անկարան ցույց է տալիս, որ գնալով դառնում է «ավելի ավտորիտար և անկանխատեսելի պետություն, որի նախագահը գործում է անձնական քմահաճույքից ելնելով»,- նշում է սյունակագիրը:

Անցյալ շաբաթվա վերջում Թուրքիայի իրավապահ մարմինները դաժանորեն ճնշել են ինքնաբուխ հանրահավաքը՝ հաջակցություն խոշորագույն Zaman պարբերականի, որը քննադատական նյութեր է հրապարակել իշխանությունների մասին, և ներխուժել են պարբերականի գրասենյակ: ԵՄ-ն դատապարտել է Անկարայի նման գործողությունները, սակայն, «քիչ հավանական է, որ այն ուռճացնելու է այս հարցը՝ հաշվի առնելով այն անհրաժեշտությունը, որ Թուրքիան համագործակցել է ԵՄ-ի հետ՝ փախստականների հարցի շուրջ»,- ասվում է հոդվածում:

Բացի այդ, Եվրամիությունը խիստ մտահոգված է Անկարայի հետ համագործակցելու անհրաժեշտությամբ նաև այն պատճառով, որ նրա մոտ շարունակում են վատթարանալ հարաբերությունները Ռուսաստանի հետ՝ Սիրիայում տիրող իրավիճակի ֆոնին, հատկապես այն բանից հետո, երբ անցյալ տարի թուրք զինվորականները խոցել են ռուսական Սու-24 ռմբակոծիչը: Այժմ Եվրոպական Միությունը վախենում է, որ Մոսկվայի և Անկարայի միջև բախումները կարող են կրկնվել:

«Հաշվի առնելով այն փաստը, որ Թուրքիան ՆԱՏՕ-ի անդամ է հանդիսանում և կարող է դիմել դաշինքի հավաքական պաշտպանության մասին պայմանագրին, ռիսկերը, որոնք իր մեջ կրում է հետագա էսկալացիան (Ռուսաստանի և Թուրքիայի փոխհարաբերություններում-խմբ.), չափազանց բարձր են: Եվրոպացիները վախենում են Թուրքիայի նախագահ Ռեջեփ Թայիփ Էրդողանին տրամադրել Սիրիայի և Ռուսաստանի հետ իրավիճակում գործողությունների ամբողջական ազատությունը»,- ասվում է հոդվածում: