Հայտնի է Մերկելին տապալելու ՌԴ-ի ծրագիրը. Guardian
Համաշխարհային Մամուլ
Ռուսաստանը «փորձում է իշխանությունից հեռացնել» Գերմանիայի կանցլեր Անգելա Մերկելին, և այդ նպատակին հասնելու համար տեղեկատվական պատերազմ է մղում: Ինչպես գրում է Guardian-ը, այս մասին հայտնել է Ռիգայում ՆԱՏՕ-ի ռազմավարական կոմունիկացիաների կենտրոնի տնօրեն Յանիս Սարտսը՝ The Observer-ին տված հարցազրույցում:
Նրա խոսքով՝ այս պատերազմի էությունը կայանում է նրանում, որպեսզի Գերմանիայում դժգոհություն հրահրվի փախստականների հետ իրավիճակի հարցում:
Սարտսը նշել է նաև, որ Ռուսաստանը զբաղվում է Եվրոպայում ծայրահեղական ուժերի ֆինանսավորմամբ: Բացի այդ, ըստ նրա, նույնիսկ կան ապացույցներ, որ Մոսկվան՝ Գերմանիայում քարոզչություն է անցկացնում Մերկելի դեմ, ով հակառուսական պատժամիջոցների հավատարիմ կողմնակիցն է:
ՆԱՏՕ-ի ռազմավարական կոմունիկացիաների կենտրոնի տնօրենն ընդգծել է նաև, որ Գերմանիայում հուզումներ հրահրելու Մոսկվայի փորձերը հասցվել են նվազագույնի, և դա արվել է, քանի որ տվյալ խնդիրն արդեն հայտնաբերվել է: Սակայն նա զգուշացրել է նաև, որ կան մի շարք այլ երկրներ, որոնք աչք են փակում «Պուտինի քարոզչական պատերազմի» վրա, հայտնում է The Guardian-ը:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
