Էրդողանը դեմ առ դեմ մնացել է իր աղետալի քաղաքականության հետ. Time

Թուրքիայի նախագահ Ռեջեփ Թայիփ Էրդողանը չի կարող ժխտել իր քաղաքականության ակնհայտ ձախողումը: Միջազգային ասպարեզում նա կորցրել է բոլորի աջակցությունը, ում Թուրքիան նախկինում կարող էր դաշնակից համարել, իսկ երկրի ներսում նրա մեթոդները սկսեցին նույնիսկ իր սեփական կուսակցության դժգոհությունն առաջացնել, գրում է Time-ը:

Շնորհիվ իր ամբարտավանության ու ագրեսիվ քաղաքական ընթացքի՝ Էրդողանը կարողացել է խիստ բարկացնել ՆԱՏՕ-ի դաշնակիցներին: Վաշինգտոնը դժգոհ է նրանից, որ սիրիական հակամարտությունում Թուրքիան հետապնդում է իր սեփական նպատակները և հարձակումներ իրականացնում քրդերի՝ այլ ոչ թե «Իսլամական պետության» ահաբեկիչների վրա: Իսկ Եվրոպացիները կասկածում են, որ Անկարայի և ԵՄ-ի միջև գործարքի շրջանակներում Էրդողանը չափազանց մեծ գումար է «հափշտակում», հատկապես, հաշվի առնելով այն հանգամանքը, որ դեպի Եվրոպա ներգաղթյալների հոսքի զսպմանն ուղղված իր ջանքերը աննշան են, նշում է պարբերականը:

Միևնույն ժամանակ, Էրդողանը համոզված է, որ Թուրքիայի համար հաջողության գրավական կդառնա՝ իր ձեռքում իշխանության կենտրոնացումը: Նախորդ տարվա աշնանվանից նա փորձում է սահմանադրական փոփոխություններ մտցնել, որոնք կբարձրացնեն իր լիազորությունները և կվերացնեն այն մեխանիզմները, որոնք ներկայումս խանգարում են նրան անել այն ամենը, ինչ մտքին է գալիս, գրում է Time-ը:

«Էրդողանին չի հաջողվի ստանալ այն, ինչ նա ցանկանում է: Օգտագործելով ճնշման լծակները՝ նրա թշնամիների թիվն անշեղորեն աճում է, ինչպես երկրի ներսում, այնպես էլ դրանից դուրս», - եզրափակում է պարբերականը: