Պուտինը և Էրդողանը չափազանց նման են՝ զիջումների գնալու համար. Newsweek

Ռուսաստանի և Թուրքիայի միջև դիմակայությունը զարգանում է այն կերպ, որ առավելություն ունի Անկարան, գրում է Newsweek-ում Ադրբեջանում ԱՄՆ նախկին արտակարգ և լիազոր դեսպան, Ատլանտյան խորհրդի աշխատակից Մեթյու Բրայզային: Ըստ փորձագետի՝ Վլադիմիր Պուտինը «դիլեմայի» առջև է կանգնած. նա պետք է պահպանի ուժեղ առաջնորդի կերպարը և Էրդողանին պետք է դրդի ներողություն խնդրել, սակայն Թուրքիայի վրա բոլոր մատչելի հարձակումները միայն կվնասեն Ռուսաստանին:

Բրայզայի կարծիքով՝ երկու նախագահները շատ նման անձնական որակներով են օժտված, որոնցից են, օրինակ, «երկաթե կամքը», որը թույլ է տվել նրանց ձեռք բերել և բարձրացնել իշխանությունը, որը նշանակում է, որ Մոսկվայի և Անկարայի միջև տարաձայնությունները չեն լուծվի շուտով: Մինչդեռ, չնայած այն հանգամանքին, որ Պուտինն ու Էրդողանը նման են, իրենց երկրների միջև կան որոշ հիմնական տարբերություններ, և հենց այդ տարբերությունները կարող են, ի վերջո, ստիպել քաղաքական գործիչներին ավարտել իրենց դիմադրությունը, համոզված է փորձագետը:

Մեկ այլ գործոն, որը տարբերակում է Թուրքիային Ռուսաստանից, այն է, որ թուրք ընտրողները դրսևորում են իրենց որպես ցանկացած այլ դեմոկրատական երկրի ժողովուրդ, և իրենց կողմից ընտրված ղեկավարներից ակնկալում են խաղաղության պահպանում, և, հետևաբար, քիչ հավանական է, որ կհանդուրժեն Ռուսաստանի հետ երկարաձգված հակամարտությունը, գտնում է Բրայզան: Այդ մասին քաջատեղյակ է նաև Վլադիմիր Պուտինը. ՌԴ նախագահը փորձում է շահարկել է «Թուրքիայի քաղաքացիների թշնամանքը հակամարտությունների հանդեպ»՝ պահպանելով լարվածությունը տնտեսական պատժամիջոցների միջոցով, նշում է քաղաքագետը: