Քիմ Քարդաշյանը, Պուտինի դուստրը և այլ հայտիներ՝ աշխարհի 20-35 տարեկան ամենաազդեցիկ անձանց ցանկում (լուսանկարներ)

Բրիտանական The Guardian պարբերականը հայտնել է աշխարհի 20-35 տարեկան ամենաազդեցիկ անձանց անունները:

Ինչպես գրում է պարբերականը, որոշ մարդկանց կարծիքով՝ 2000-ականների երիտասարդներն անիծված սերնդի ներկայացուցիչներ են, ովքեր նախընտրում են այլ բանով չզբաղվել, քան տարեկան 2 հազար հատ սելֆի անելը: Մյուսների կարծիքով, որոնց թվում են նաև 2000-ականների այդ նույն երիտասարդները՝ նրանք այն սերունդն են, որոնք համաձայնում են, որ արևմտյան աշխարհի պատմության մեջ առաջինն են, որ իրենց ծնողներից վատն են:

Այնուամենայնիվ, կան բացառություններ: Նրանք սերնդի այն ազդեցիկ ներկայացուցիչներն են, որոնք մեծ փոփոխություններ են մտցրել աշխարհում երիտասարդ տարիքում, գրում է բրիտանական լրատվամիջոցը։

Մեր հաղորդակցության ձևերը կտրուկ փոխած գործարարներից մինչև անհատներ, ովքեր երիտասարդ տարիքում բռնապետություններ են ժառանգել. լրատվամիջոցը ներկայացնում է մեր մոլորակի 20-35 տարեկան ամենաազդեցիկ անձանց։

Կիմ Չեն Ըն

33-ամյա Կիմը հունվարին իր ծննդյան օրը նշել է երկրի չորրորդ միջուկային թեստով։ Մի քանի շաբաթ անց նա հրթիռ է արձակել՝ միջազգային քննադատություն և լրացուցիչ պատժամիջոցների սպառնալիք առաջացնելով։

Մարկ Ցուկերբերգ

Մարկ Ցուկերբերգի՝ ուսանողական տարիներին հիմնած սոցիալական ցանցը շուտով դարձավ աշխարհի ամենամեծ կայքերից մեկը, որից օգտվում է 1,5 միլիարդ մարդ:

Ջասթին Բիբեր

22 տարեկանում Բիբերը գնահատվում է 200 միլիոն դոլար, նա գերազանցել է The Beatles-ի և Drake-ի ռեկորդները՝ Billboard-ի թոփ հարյուր երգերի ցանկում, ամենաշատ երգերն ունենալով՝ մեկ շաբաթվա մեջ 17 երգ: Բիբերը կարող է պարծենալ նաև Instagram-ում իր 60 միլիոն հետևորդներով:

Սաուդյան Արաբիայի պաշտպանության նախարար, Սաուդյան թագավոր Սալմանի որդի Մուհամեդ բին Սալման

30-ամյա Մուհամեդը վերջերս մի շարք ուժային քայլեր է ձեռնարկել միջազգային ասպարեզում, որոնք ստիպել են աշխարհին զգոնությամբ արձագանքել:

Բեյոնսե

Ոչ մեկ չի կարող հերքել 34-ամյա աստղի տնտեսական և սոցիալական կապիտալը: Նա Forbes-ի 100 ամենաազդեցիկ կանանց ցանկում գրավում է 21-րդ տեղը:

 Քիմ Քարդաշյան

Աստղն իրապատում շոուի շնորհիվ դարձել է մի ուժ, որին կանգնեցնելն անհնար է: Նա Instagram-ում երկրորդ ամենաշատ հետևորդներ ունեցող մարդն է, ամուսնացած է ռեփեր Քանյե Ուեսթի հետ և իր ինքնակենսագրականում կարող է ավելացնել մոդել, նորաձևության դիզայներ և հեղինակ բառերը: Նշվում է, որ 35-ամյա աստղն «արժե» 52,5 միլիոն դոլար: Նա 1 միլիոն դոլար է աշխատում մեկ րոպեում իր պատկերներով Kimoji-ների թողարկումից ի վեր։

Լեդի Գագա

29-ամյա երգչուհին, ով հայտնի է բեմը մարդկանց իրավունքների մասին բարձրաձայնելու համար օգտագործելու, ինչպես նաև նորաձևության ոլորտում իր համարձակ ընտրությունների համար, գնահատվում է 59 միլիոն դոլար:

Եկատերինա Տիխոնովա՝ Վլադիմիր Պուտինի ենթադրյալ դուստրը

Անցած տարի հունվարին ընդդիմադիր լրագրող Օլեգ Կաշինը հոդված էր հրապարակել, որտեղ պնդում էր, որ ակրոբատիկ ռոքնռոլի պարուհին ՌԴ նախագահ Վլադիմիր Պուտինի դուստրն է: Հաղորդվում է նաև, որ 29-ամյա Տիխոնովան ամուսնացած է Կիրիլ Շամալովի՝ իր հոր ընկերներից մեկի որդու հետ, և նրանց ընդհանուր կարողությունը կարող է կազմել մինչև 2 միլիարդ դոլար: