Պուտինը մեղավոր է «սիրիացի կնոջ» հետ դաժան վերաբերմունքի մեջ. Մեծ Բրիտանիայի ԱԳ նախարար

Ինչպես հայտնում է Daily Telegraph-ը, Մեծ Բրիտանիայի արտգործնախարար Ֆիլիպ Համոնդը՝ ելույթ ունենալով Համայնքների պալատում, նշել է. «Ինչ-որ մեկը ներխուժում է մեկ այլ երկիր և սկսում ռմբակոծել քաղաքացիական բնակչությանը, ոչնչացնել հիվանդանոցներն ու դպրոցները: Եթե նա որոշի, որ բավականաչափ բան է արել՝ պետք չէ դրա համար նրան գովել: Սա նման է այն իրավիճակին, երբ մարդը դադարում է իր կնոջը ծեծելուց»:

Ըստ նրա՝ բրիտանական իշխանությունները պետք է մշտապես դիմակայեն այն փաստին, որ ռուսական զորքերն ընդհանրապես տեղակայված են եղել այնտեղ, և չպետք է իրենց արժանիքը համարեն այն, որ նրանք դադարել են ապօրինի գործողություններ կատարելուց:

Ավելի վաղ, Պահպանողական կուսակցության պատգամավոր Ռիչարդ Բենոն մեղադրել է Պուտինին՝ պատերազմական հանցագործությունների մեջ, իսկ խորհրդարանական Թոմ Թուգենհատը խորհուրդ է տվել Սիրիայի նախագահ Բաշար Ասադին «կրկնապատկել պաշտպանությունը»՝ հաշվի առնելով վերջին պահին որոշումը փոխելու Ռուսաստանի միտումը:

«Նախագահ Ասադի և Պուտինի միջև հարաբերությունները բազմաթիվ շահարկումներ են առաջացրել գործընկերների շրջանում: Սակայն, ես համոզված եմ, որ իրավիճակը նույնն է, ինչպես եղել է միշտ: Նախագահ Պուտինը կարող էր ավարտել ամեն ինչ դեռ մի քանի տարի առաջ՝ պարզապես զանգահարելով Ասադին և ընկերական խորհուրդ տալով նրան՝ իր հետագա առողջության և բարեկեցության վերաբերյալ»,- մեջբերում է The Daily Telegraph-ը Մեծ Բրիտանիայի արտաքին գործերի նախարարի խոսքերը: