Բոլոր հաղթաթղթերը Պուտինի ձեռքում են. NouvelObs

Դժվար է ասել, թե արդյոք ռուսական զորքերի դուրսբերումն իսկապես վկայում է սիրիական հակամարտության քաղաքական լուծումը ձեռք բերելու Մոսկվայի անկեղծ ցանկության մասին, թե դա թելադրված է երկարաձգված պատերազմի մեջ ընկղմվելու վախով: Սակայն Կրեմլի այս անկանխատեսելի քայլը ևս մեկ անգամ ապացուցում է, որ սիրիական հարցում հաղթաթղթերը Վլադիմիր Պուտինի ձեռքում են, գրում է Le Nouvel Observateur-ը:

ՄԱԿ-ին կից Ռուսաստանի Դաշնության մշտական ներկայացուցիչ Վիտալի Չուրկինը հավաստիացրել է, որ զորքերի դուրսբերումը վկայում է քաղաքական միջոցներով հակամարտության կարգավորման մեջ առաջ շարժվելու Մոսկվայի ցանկության մասին: Միևնույն ժամանակ, ինչպես նշում է պարբերականը, մարտի դաշտերում Մոսկվային արդեն հաջողվել է զգալիորեն օգնել Ասադի ռեժիմին՝  կորսված տարածքները վերագրավելու հարցում:

Ռազմական ողջ քարոզարշավի ընթացքում Ռուսաստանը մեղադրվում էր նրանում, որ ռմբակոծում է ոչ այնքան ահաբեկիչներին, որքան ընդդիմությանը: Հիմա, երբ նա կարողացել է սիրիական բանակի համար ապահովել մի շարք հաղթանակներ՝ ընդդիմադիր ուժերի դեմ պայքարում, «Մոսկվան գտնում է, որ նրա առաքելությունն ավարտված է»:

Ընդդիմությունը, որը կորցրել է մի շարք տարածքներ՝ ապակողմնորոշված է: Սակայն, հավանաբար, ռուսական ռազմական քարոզչության ավարտի հետ, նա հնարավորություն կունենա վերագրավել կորցրած հողերը, ենթադրում է պարբերականը:

Ինչ վերաբերում է ԻՊ-ից ջիհադիստներին, ապա նրանց ուղղությամբ Ռուսաստանը գրեթե կրակ չի բացել, այսպիսով նրանք ամուր պահում են իրենց դիրքերը Ռաքքա և Դեյր Զոր քաղաքներում:

«Ամեն դեպքում, Վլադիմիր Պուտինը ևս մեկ անգամ ցույց տվեց, որ հիմնական քարտերն իր ձեռքում են, և որ առանց նրա, ոչինչ հնարավոր չէ անել»,- ամփոփել է Le Nouvel Observateur-ը: