ԱԺ-ն ընդունեց ԵԱՏՄ-ից ավտոմեքենաների ներկրման ԱԱՀ-ն վերացնելու օրինագիծը
Տնտեսություն
Ազգային ժողովը երկրորդ ընթերցմամբ և ամբողջությամբ ընդունեց Եվրասիական տնտեսական միության տարածքից ֆիզիկական անձանց կողմից ավտոմեքենաների ներկրման ավելացված արժեքի հարկը վերացնելու մասին օրենքի նախագիծը:
«Ավելացված արժեքի հարկի մասին» ՀՀ օրենքում փոփոխություն և լրացում կատարելու մասին» և «Ավելացված արժեքի հարկի մասին» ՀՀ օրենքում փոփոխություններ և լրացումներ կատարելու մասին» ՀՀ օրենքում փոփոխություն կատարելու մասին» օրինագծերի փաթեթին կողմ քվեարկեց 103, ձեռնպահ՝ 1 պատգամավոր:
Քվեարկությունից առաջ ելույթ ունեցավ ՀԱԿ խմբակցության պատգամավոր Հրանտ Բագրատյանը: Իր խոսքում նա ընդգծեց, որ հարկավոր է նաև լուծել 2015թ. ընթացքում ԵԱՏՄ-ից մեքենաների ներկրման համար որպես ավելացված արժեքի հարկ գանձված գումարների հարցը:
ԱԺ փոխնախագահ Հերմինե Նաղդալյանն էլ հավելեց, որ հիմա կքվեարկեն և ամբողջությամբ կընդունեն նախագիծը, ինչից հետո բոլոր պատգամավորներն ազատ կլինեն իրենց առաջարկները ներկայացնելու հարցում:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
