ՏՄՊՊՀ-ին այս տարի խիստ վերահսկողության տակ կպահի պետական գնումների ոլորտը
Տնտեսություն
Հայաստանի տնտեսական մրցակցության պաշտպանության պետական հանձնաժողովը 2016թ. ուշադրության կենտրոնում կպահի հատկապես պետական գնումների ոլորտը: ԼՈՒՐԵՐ.com-ի թղթակցի փոխանցմամբ՝ Ազգային ժողովում լրագրողների հետ զրույցում այս մասին ասաց ՏՄՊՊՀ նախագահ Արտակ Շաբոյանը:
«Մենք այսօր գնումների ոլորտում մեծ ծավալով ուսումնասիրություններ ենք կատարում, որովհետև մեր նախորդ երկու տարվա փորձը ցույց է տալիս, որ հատկապես պետական գնումների ոլորտում շատ են լինում դեպքեր, երբ տնտեսվարողները մրցույթներից առաջ պայմանավորվում են, համաձայնության են գալիս և այդպիսով շուկան միմյանց միջև են բաժանում»,- նշեց Շաբոյանը:
Նա ասաց, որ հանձնաժողովն արդեն իսկ լայն ծավալով ուսումնասիրություններ է սկսել պետական գնումների ոլորտում: «Իհարկե, մենք դեպքերի ենք հանդիպում, երբ մեղավոր են լինում նաև պատվիրատուները, պետական մարմինները, որոնք այդ մրցույթները կազմակերպում և անցկացնում են: Այդ մրցույթները քիչ թափանցիկ, քիչ հրապարակային անցկացնելու եղանակով պետական մարմինները բարենպաստ պայմաններ են ստեղծում տնտեսավարողների հակամրցակցային գործողությունների համար: Եվ այդ մասով մեր բացահայտած խնդիրները մենք արդեն ուղարկել ենք համապատասխան պետական մարմիններին»,- հավելեց Արտակ Շաբոյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
