Թուրքերը սեփական ստորության տակ են ստորագրել. «Նովոյե Վրեմյա»

Գալիպոլիի ճակատամարտի հիշատակի արարողությանը նվիրված ավանդական միջոցառումներն այս տարի կրկին կանցկացվեն մարտի 18-ին, այսինքն՝ սովորական օրացույցով, այլ ոչ թե ինչպես 2015 թ. ապրիլի 24-ին, հաղորդում է Anadolu գործակալությունը:

Բոլորն էլ հիշում են, թե ինչ արձագանք է առաջացել՝ պայմանավորված նրանով, որ Գալիպոլիի ճակատամարտի 100-ամյակին նվիրված տոնակատություններն առաջին անգամ նշանակվել են ոչ թե մարտի կեսերին, այլ ապրիլի 24-ին, այն օրը, երբ նշվում էր Հայոց ցեղասպանության 100-ամյակը:

Այս առումով «Demokrathaber.com» կայքը գրում է. «Այն հանգամանքը, որ նախագահ Էրդողանը տարբեր երկրների ղեկավարներին հրավիրել է մասնակցելու ապրիլի 24-ի տոնակատարություններին՝ նվիրված Դարդանելի ճակատամարտի տարելիցին, հասարակական սուր արձագանք է առաջացրել: Թուրքիայի Մարդու իրավունքների ասոցիացիայի՝ ռասիզմի և խտրականության դեմ պայքարի հանձնաժողովը կոչ է արել համաշխարհային առաջնորդներին՝ Չանաքկալեի փոխարեն այցելել Երևան և մասնակցել Հայոց ցեղասպանության 100-րդ տարելիցին նվիրված հիշատակի միջոցառումներին»:

Այսպիսով, թուրքական իշխանությունները ստորագրել են սեփական ստորության տակ. բացահայտ հասկացրել են տվել, որ անցյալ տարի միջոցառումների ամսաթվերի տեղափոխումը թելադրված էր բացառապես Հայոց ցեղասպանության ողբերգական տարելիցի ամսաթիվը ստորացնելու, մեկ ու կես միլիոն անմեղ զոհերի հիշատակը վիրավորելու ձգտմամբ: