Պուտինը տևական և արյունալի պատերազմ է պատրաստում Թուրքիայի համար. Newsweek

Պուտինի գլխավոր նպատակն է թուլացնել ՆԱՏՕ-ն և ԵՄ-ն, հետևաբար, նա դուրս է բերել զորքերը Սիրիայից, գրում է փորձագետ Յուրի Ֆելշտինսկին Newsweek պարբերականի լեհական տարբերակում: Ըստ պատմաբանի՝ ամեն ինչ արվում է, անկախության համար մղված պայքարում քրդերին օգնելու համար: Սա Թուրքիային արյունալի հակամարտության մեջ կներքաշի և վերջ կդնի եվրոգոտում և Հյուսիսատլանտյան դաշինքում երկրի անդամակցությանը:

Սիրիական իրադարձությունների շուրջ Կրեմլի քաղաքականության փոփոխության հետ կապված մեծ աղմուկ է առաջացել: Որոշումը զարմացրել է ոչ միայն միջազգային դիտորդներին, մեկնաբաններին ու վերլուծաբաններին, այլև ռուսական ԶԼՄ-ներին: «Russia Today անգլալեզու հեռուստաալիքի լրագրողները, որը միշտ պաշտպանում է Կրեմլի գործողությունները, թվում է, նույնքան շփոթված էին, ինչպես և մնացած լրատվամիջոցները: Նրանք միայն կրկնում էին Պուտինի խոսքերը, որ ռուսական զորքերը Սիրիայում ավարտել են իրենց առաքելությունը»,- ընդգծել է Ֆելշտինսկին:

Ասադի վարչակարգը չի կայունացել: «Իսլամական պետությունը» բավականաչափ թուլացված չէ, իսկ հակաասադյան ընդդիմությունը ոչնչացված չէ: «Պուտինը կյանքի է կոչել միայն մեկ նպատակ՝ բռնկել է Սիրիայի քաղաքացիական պատերազմը»,- ասել է պատմաբանը:

Կարելի է ուրախանալ սույն որոշման կապակցությամբ՝ քրդերի հետ միասին, ովքեր հնարավորություն ունեցան ձեռք բերել անկախություն: Եվ տխրել թուրքերի հետ միասին, ովքեր պարտվողական դիրքում են՝ քրդական ազատագրական շարժման հետ հակամարտությունում: Չնայած ուժերի անհավասարակշռությանը՝ թուրք-քրդական ապագա պատերազմը երկարատև ու արյունալի կլինի: Քրդերը, ամենայն հավանականությամբ, պետք է վճարել բարձր գին՝ անկախության համար: Իսկ հումանիտար ճգնաժամը, որը պատերազմի հետևանք կլինի՝ քրդական հասարակության համար աղետալի հետևանքներ կունենա: Իրադարձությունների նման շրջադարձի դեպքում Թուրքիան նաև դուրս կգա իսլամական ծայրահեղականության ռելսերի վրա, ինչը հարցականի տակ կդնի նրա հետագա անդամակցությունը ՆԱՏՕ-ին, և կնվազեցնի դերը որպես մի երկրի, որը ձգտում է հայտնվել ԵՄ-ում, վստահ է հեղինակը:

Բայց, ի վերջո, Վլադիմիր Պուտինի հիմնական նպատակը մնում է ՆԱՏՕ-ի և ԵՄ-ի թուլացումը: Նա արդեն ընտրել է դրանք իրագործելու գործիքները: Դա Մերձավոր Արևելքում հովանու փոփոխությունն է, իսկ ապագայում՝ Թուրքիայի հաշվին անկախություն ստանալու ձգտումներում քրդերի աջակցությունը, ամփոփում է ԱՄՆ-ում բնակվող ռուս պատմաբանը: