Մոսկվան և Վաշինգտոնը «գաղտնի գործարք» են կնքել Սիրիայի հարցով. Huffington Post

Սիրիայում Ռուսաստանը ճկունության և ռազմավարական մոտեցում է դրսևորել՝ թույլ տալով «անխոհեմ» ամերիկացի գործընկերներին չկորցնել դեմքը, գրում է միջազգային հարաբերությունները հետազոտող Կառլո Կարոն Huffington Post-ում: Նրա կարծիքով՝ Սիրիայից ռուսական ռազմատիեզերական ուժերի դուրսբերումը՝ խաղաղ բանակցությունների նախօրեին «գաղտնի գործարքի» մի մասն է:

Նրա խոսքով՝ Ռուսաստանը միայն վերջերս է «ուշադրություն» հրավիրել «Իսլամական պետության» վրա, իսկ մինչ այդ հարվածներ էր հասցնում հիմնականում ««Ալ-Քաիդայի» հետ կապված «զինված խմբավորումներին», այդ թվում՝ «Ազատ սիրիական բանակի» խմբավորումներից մեծ մասին: Հոդվածի հեղինակը գտնում է, որ ողջամիտ կլիներ սկսել այդ խմբավորումներից, որովհետև«այլևս ոչ ոք չի պայքարել նրանց դեմ՝ այլ ընդհակառակը՝ ԱՄՆ-ն և Պարսից ծոցի երկրներն աջակցություն էին ցուցաբերում»:

Հինգ ամսվա ընթացքում Ռուսաստանն օգնել է Ասադին «բեկանել պատերազմի ընթացքը»: Կառլո Կարոն չի հավատում, որ Պուտինը նախապես չի զգուշացրել Սիրիայի նախագահին զորքերի դուրսբերման մասին:

Հոդվածի հեղինակը վստահ է, որ Մոսկվան գաղտնի գործարք է կնքել Վաշինգտոնի հետ, քանի որ Անկարայում և Էր Ռիյադում բռնապետական ռեժիմներն արդեն վաղուց էին ցանկանում զորքեր մտցնել Սիրիա, և նույնիսկ, ըստ էության, սկսել էին այդ գործընթացը՝ «իհարկե, ոչ ֆորմալ», ասվում է հոդվածում: