Ռուսական ներկայությունը Սիրիայում խափանում է Թուրքիայի էներգետիկ ծրագրերը. Oilprice

Էներգակիրների տեղափոխումն առանցքային դեր է խաղում սիրիական հակամարտությունում և Մոսկվայի ու Անկարայի միջև առճակատման մեջ, գրում է թուրք վերլուծաբան Թուգչե Վարոլը Oilprice-ում հրապարակված հոդվածում: Նրա խոսքով՝ Ռուսաստանը Սիրիայում ամրապնդում է ոչ մի այն Բաշար Ասադի իշխանությունը, այլև խոչընդոտում Թուրքիայի էներգետիկ նախագծերին:

Թուրքիան նաև հույսեր էր կապում Քաթարի համատեղ խողովակաշար ստեղծելու հետ, որը պետք է անցներ Իրաքի և Սիրիայի տարածքով, որտեղ գերիշխում էին «Իսլամական պետության» ուժերը: Այնուամենայնիվ, փորձագետը նշում է, որ ռուսական ռազմական գործողությունը տարածաշրջանում հանգեցրել է նաև այս նախագծի կազմալուծմանը:

Բացի այդ, Մոսկվայի զսպման քաղաքականությունը և«Թուրքիայի հարավում նրա զորքերի ներկայությունը», ստիպել են Անկարային միավորվել Իսրայելի հետ: Այլ դաշնակիցների բացակայության պատճառով, Էրդողանը նույնիսկ ստիպված է եղել փոխել ներքին քաղաքականության մեջ իր հակասեմական հռետորաբանությունը:

Ներկայումս Թուրքիան պատրաստվում է Իսրայելի հետ էներգետիկ համաձայնագիր ստորագրել: Սակայն, ըստ հեղինակի, Ռուսաստանը մտադիր է արգելափակել Թուրքիայի տարածքով անցնող բոլոր խողովակաշարերի կառուցումը, քանի դեռ Ռեջեփ Թայիփ Էրդողանը իշխանության գլխին է:

«Այսպիսով, Սիրիայում ռուսական միջամտությունը ոչ միայն հնարավորություն է տվել ուժեղացնել Ասադի ռեժիմը և թուլացնել իսլամիստական խմբավորումը, այլև մարտահրավեր է նետել Թուրքիայի անվտանգությանն ու էներգետիկ քաղաքականությանը»,- եզրափակում է հոդվածագիրը: