Էրդողանին սառը ընդունելություն է սպասվում ԱՄՆ-ում. The Wall Street Journal
Համաշխարհային Մամուլ
Թուրքիայի նախագահն սկսում է իր այցն ԱՄՆ, որը հեշտ չի լինելու: Սպիտակ տանն արդեն իսկ հայտարարել են, որ ԱՄՆ նախագահը չի հանդիպելու Թուրքիայի նախագահի հետ: ԱՄՆ-ի ու Թուրքիայի միջև կուտակվել են զայրացնող ոչ քիչ գործոններ, և «վերաբեռնումը» պետք է ակնկալել արդեն Սպիտակ տան նոր ղեկավարից:
Էրդողանը ժամանում է Վաշինգտոն՝ միջուկային անվտանգության գագաթնաժողովին, որին մասնակցելու է նաև Բարաք Օբաման: Սակայն նրանց միջև անձնական հանդիպում նախատեսված չէ: ԱՄՆ նախագահը չի մասնակցի նաև Մերիլենդում թուրքական մզկիթի բացմանը, որտեղ նրան առաջարկել էր հանդիպել Էրդողանը: Օբամայի փոխարեն Թուրքիայի նախագահի հետ հանդիպելու է ԱՄՆ փոխնախագահ Ջոզեֆ Բայդենը:
Էրդողանի ամերիկյան այցը կայանալու է մարտի 29-ից մինչև ապրիլի 4-ը:
Ինչպես կանխատեսում է The Wall Street Journal-ը, ԱՄՆ-ում Թուրքիայի նախագահին սպասվում է սառը ընդունելություն: Պարբերականը թուրք-ամերիկյան հարաբերություններում խնդրահարույց հարցերի թվում նշում է քրդերի դեմ Էրդողանի պայքարը, ինչպես նաև ընդդիմությանն ու ԶԼՄ-ներին ճնշումները:
Պարբերականն ընդգծում է, որ Էրդողանի ամերիկյան այս այցը զգալիորեն տարբերվելու է 2013 թվականին նրա ամերիկյան այցից: Այն ժամանակ Օբաման թուրք գործընկերոջն ընդունել է պատիվներով և ամեն կերպ ցուցադրել է նրան իր դիրքը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
