ՌԴ-ի գաղտնի զենքը` ԻՊ-ի դեմ պայքարում. The Daily Beast

Սիրիայի դիկտատոր Բաշար Ասադի ուժերը, որոնք պայքարել են Պալմիրայի ազատագրման համար, զգալի աջակցություն են ստացել օդից: Առնվազն մեկ Ми-28 ռուսական ուղղաթիռ, որը Մոսկվայի պատասխանն է ԱՄՆ բանակի «Apache» մարտական ուղղաթիռին, իրականացրել է սիրիական տանկերի և հետևակի կոծկում, երբ նրանք ներխուժել են ժամանակակից քաղաք, որը կից է ՅՈՒՆԵՍԿՕ-ի համաշխարհային ժառանգության օբյեկտին:

Տեսանյութում, որը համացանցում է տեղադրվել իշխանամետ խմբավորման ներկայացուցիչների կողմից, հստակ երոևում է, թե ինչպես է Ми-28 ուղղաթիռը հրթիռ արձակում: Պալմիրայի համար ճակատամարտը, որն ավարտվեց այս շաբաթ, երբ ԻԼԻՊ-ի զինյալները լքել են քաղաքը, ըստ երևույթին, իրենից ներկայացրել է երկու տեղանոց Ми-28-ի մարտական դեբյուտը, որը հագեցած է գնդացիրներով և հրթիռներով:

Պալմիրայի երկնքում ռուսական մարտական ինքնաթիռի հայտնվելը վկայում է այն մասին, որ Պուտինը շարունակում է աջակցել Սիրիայի նախագահ Բաշար Ասադի ռեժիմը:

Մարտի 14-ին Ռուսաստանի նախագահ Վլադիմիր Պուտինը շատերին զարմացրեց, հայտարարելով, որ ինքը հանձնարարել է Սիրիայից դուրս բերել ռուսական զորքերը: Դա տեղի է ունեցել մոտ վեց ամիս անց, այն բանից հետո, երբ հազարավոր ռուս զինվորներ և լավագույն ռազմական ինքնաթիռների մեծ մասը տեղակայվել էին Սիրիայի արևմուտքում, որպեսզի օգնեն Ասադի բանակին, որն այդ ժամանակ սրընթաց կորցնում էր դիրքերը:

Իրականում Կրեմլը դուրս չի բերել իր զորքերը, այլ միայն վերախմբավորվել դրանց կազմը` փոխարինելով հեռավոր թռիչքների համար նախատեսված ռեակտիվ ռմբակոծիչները  Ми-28-ով և այլ ուղղաթիռներով, որոնք ավելի հարմար են տեղում սիրիական զորքերի ուղեկցման համար, քանի դեռ նրանք պայքարում են տարածքների համար, որոնք գրավել է ԻԼԻՊ-ը և որոնք աջակցվում են ԱՄՆ-ի ապստամբների կողմից:

Իսրայելի բարձաստիճան պաշտոնյաներից մեկը`անանունության սկզբունքով, Defense News պարբերականին հայտնել է, որ Պուտինը «այլ ռազմական տեխնիկա է մտցրել և դուրս բերել այն, ինչ նրան այժմ անհրաժեշտ չէ»:

Բացի Ми-28 ուղղաթիռներից, ռուսական ավիաստորաբաժանումը, որը տեղակայված է Դամասկոսի մոտ, իր մեջ ներառում է հսկայական Ми-35 ուղղաթիռներն ու բարձր տեխնոլոգիական Ка-52-ը` վերջինս նախատեսված է հատուկ նշանակության ջոկատին օդից ուղղակի աջակցություն ցուցաբերելու համար: Ռուսաստանի կրեմլամետ Russia Today հեռուստաընկերությունը դեկտեմբեր ամսվա ռեպարտաժում, որը նվիրված էր Սիրիայի արևմուտքում ռուսական զինվորականներին, պատմել է, որ Ми-35-ն ի վիճակի է ոչ միայն հրթիռներ արձակել ու կրակ բացել, այլ նաև տեղափոխել հետևակային միավորները: