Պուտինը խաբում է Արևմուտքին. The Huffington Post

Սիրիայում դիկտատոր Բաշար Ասադի կողմում ռազմական գործողությունը կարող է հանգեցնել «ահաբեկչության դեմ պայքարի ճեղքման»: Նման կերպով է արդարացրել իր որոշումը Կրեմլի ղեկավարը: Եվս մեկ բան՝ Ռուսաստանը շարունակելու է ավելի ակտիվ դեր խաղալ խաղաղ գործընթացում, որպեսզի վերջ դնի հակամարտությանը:

Ըստ ամերիկյան «Foreign Policy» պարբերականի, Պուտինը հեռու է Սիրիայում խաղաղության հրեշտակի դերից: Վկայակոչելով ամերիկյան ռազմական աղբյուրները՝ պարբերականը հայտնում է, որ Ռուսաստանը մինչև հիմա Սիրիայից դուրս է բերել ռազմաօդային ուժերի ընդամենը 20 տոկոսը:

«Foreign Policy»-ի հաղորդումների համաձայն, ամերիկյան զինվորականները Սիրիայում օդուժի բազայի ընդլայնում են նկատում. «Կան Լաթաքիայում նոր ռուսական զենքի առկայության նշաններ, որտեղ Մոսկվան հարձակման հիմք է պատրաստում»: Ռուսաստանի ՊՆ-ն հրապարակել է ազմաօդային ուժերի տեսանյութ, որը ռազմական դիտորդները կարող է նույնականացնել որպես նոր ժամանած ռազմաօդային ուժեր:

Նրանց թվում կան Ми-28 «Havoc» տեսակի ուղղաթիռներ, որոնք օգտագործվում են ցամաքային զորքերի աջակցության և բազաների պաշտպանության համար:

Պարբերականի կարծիքով՝ սխալ է հավատալ, որ զորքերի դուրսբերման մասին իր հայտարարության միջոցով Պուտինը ցանկացել է միանալ հրադադարի ռեժիմին, որպեսզի Սիրիայում խաղաղության քաղաքականություն անցկացնի:

Պուտինը ցանկացած գնով ցանկանում է շարունակել աջակցել Ասադի ռեժիմին, գրում է պարբերականը: