«Բոլոտնի» հրապարակում վրաններ են տեղադրվում

Մոսկվայի «Բոլոտնի» հրապարակում ընդդիմությունը վրաններ է տեղադրել, հաղորդում է ՌԻԱ Նովոստին։ 

Ցուցարարները վրաններ են տեղադրել հրապարակում և հրապարակի մերձակայքում։ Վերջիններս հայտարարել են, որ այստեղ են մնալու նույնիսկ հանրահավաքի ավարտից հետո։ Ոստիկանությունը դեռևս որևէ միջամտություն չի ցուցաբերել։ 

Ինչպես հաղորդվում է, վրանների վրա փակցված են Միխայիլ Խոդորկովսկուն և Պլատոն Լեբեդևին ազատ արձակելու կոչեր։ Հանրահավաքի մասնակիցներից մեկը հայտարարել է, որ իրենք այդտեղից չեն հեռանա մինչև իշխանություններն իրենց պահանջները չկատարեն։ Սակայն նրանք չեն հայտնել, թե ինչ պահանջներ են ներակայացրել։