Ղարաբաղյան հակամարտությունում Պուտինը խաղարար կդառնա՝ հանուն «դիվանագիտական բոնուսի». Press TV

Ռուսաստանին անհրաժեշտ է կայունացնել Լեռնային Ղարաբաղը, քանի որ այդ տարածաշրջանում բախումները կարող են բացասական ազդեցություն ունենալ նավթային շուկայում իրավիճակի վրա: Վլադիմիր Պուտինը, սակայն, ձգտում է նաև «դիվանագիտական բոնուս» ստանալ, կարծում է The Times-ի նախկին թղթակից Քրիստոֆեր Ուոքերը: Press TV-ին տված հարցազրույցում նա նշել է, որ Ռուսաստանի նախագահը ցանկանում է որպես խաղաղարար իրեն երաշխավորել:

«Պուտինը, իսկապես, ավելի ուժեղ դիվանագիտական քարտ կխաղարկի, եթե նա նման հնարավորություն ունենա: Պետք չէ մոռանալ, որ հենց Ռուսաստանի միջնորդությամբ 1994 թ. հրադադար հաստատվեց: Թեև այն անկայուն էր, և, ի վերջո խախտվել է, այնուամենայնիվ, որոշակի թվով տարիների ընթացքում հրադադարը պահպանվում էր:

Ներկայումս, Ռուսաստանը երկու ուղղություններով է հետապնդում իր սեփական շահերը: Նրան անհրաժեշտ է կայունացնել տարածաշրջանը, քանի որ Ռուսաստանն ինքնին հանդիսանում է խոշորագույն արտադրող: Սակայն բացի այդ, Պուտինը փորձում է նաև դիվանագիտական բոնուս ստանալ: Նա որոշակի հնարավորություն է փնտրում՝  որպես խաղաղարար ինքնահաստատվելու համար՝ ի տարբերություն Ուկրաինայում տիրող իրավիճակին, որտեղ նա, ընդհակառակը, իր ռազմատենչ գործողությունների համար լուրջ քննադատության է ենթարկվել:

Այսպիսով, եթե հաջողվի հասնել որոշակի փոխզիջման, ապա դա լուրջ բոնուս կլինի Մոսկվայի համար: Բայց ես ընդգծում են, որ դա առավել անկայուն տարածաշրջաններից մեկն է, և այդ երկու ժողովուրդները՝ հայերն ու ադրբեջանցիները փոխադարձ թշնամանքի հարուստ պատմություն ունեն»,- եզրափակել է փորձագետը: