Լեռնային Ղարաբաղում հակամարտությունը ձեռնտու է միայն Պուտինին. Апостроф

Լեռնային Ղարաբաղում հակամարտության սրումը, առաջին հերթին ձեռնտու է Կրեմլին: Այս մասին «Апостроф»-ին հայտնել է ռուս քաղաքագետ և հրապարակախոս Անդրեյ Պիոնտկովսկին: Ըստ նրա, Պուտինի շահերից է բխում, հրահրելով հակամարտությունը՝ զորքեր ուղարկել սահմանազատման գիծ, այնուհետև «խաղաղարարի» դերը ստանձնել: Դա նաև թույլ կտա նրան վերահսկել Վրաստանը: Կրեմլի մեկ այլ նպատակներից է՝ մշտական մտահոգության վիճակում պահել Արևմուտքին և հիշեցնել, որ առանց նրա համաշխարհային քաղաքականության ոչ մի խնդիր չի կարող լուծվել:

Լեռնային Ղարաբաղում իրավիճակի սրումը բավականին տարօրինակ է: Զուտ ռազմական հանգամանքների բերումով, ոչ Ադրբեջանը, ոչ էլ Հայաստանը շահագրգռված չեն ռազմական գործողությունների էսկալացիայով, նշում է փորձագետը:

Նրա խոսքով՝ պետք է փնտրել որևէ երրորդ կողմի, որի շահերից է բխում հակամարտության նման հրահրումը:

Քաղաքագետի պնդմամբ՝ էսկալյացիայով առավել է շահագրգռված է Մոսկվան: Վլադիմիր Պուտինը որպես մեծ խաղաղարար, արդեն առաջարկել է իր ծառայությունները՝ այդ տարածաշրջանում խաղաղություն հաստատելու համար:

«Նա խաղարարի դեր է կատարում Ուկրաինայում, Սիրիայում, իսկ ինչու՞ չպետք է նույն դերով հանդես գա նաև Հարավային Կովկասում: Ընդ որում, դա թույլ կտա նրան բավական բացահայտ կերպով զորք ուղարկել կողմերի տարանջատման գիծ: Եվ դա արդեն ոչ միայն Հայաստանի և Ադրբեջանի վերահսկումն է, որը Մոսկվան որոշ չափով վաղուց ունի, այլ նաև Վրաստանի: Անմիջապես առաջանում է  դեպի Գյումրիում գտնվող ռուսական բազամիջանցք անցկացնելու խնդիրը, իսկ այդ միջանցքն անցնում է Վրաստանի տարածքով:

Պատասխանելով դասական հարցին, թե «ու՞մ է դա ձեռնտու», հակված եմ ենթադրել՝ միայն Պուտինին, որպեսզի նա ևս մեկ անգամ հայտարարի իրեն որպես մեծ խաղաղարար»,- եզրափակել է Պիոնտկովսկին: