ԼՂ-ում Թուրքիայի և Ռուսաստանի միջամտությունը կսրի հակամարտությունը. Al Jazeera

Չնայած այն հանգամանքին, որ Մոսկվան ավելի շատ Երևանի կողմից է, Ռուսաստանի համար կարող է շահավետ լինել Հայաստանի և Ադրբեջանի միջև ձգձգված հակամարտությունը: Այս մասին «Al Jazeera»-ին տված հարցազրույցում ասել է վերլուծաբան Ռիչարդ Ուայթսը: Փորձագետը հաստատեց շատերի մտավախությունները՝ Թուրքիայի միջամտության բարձր հավանականության մասին, միաժամանակ Ռուսաստանի ոչ պակաս հավանական միջամտությունը կարող է էլ ավելի սրել իրավիճակը:

«Այժմ մենք ավելի լուրջ բախումների ականատես ենք: Բայց կան մի քանի պատճառներ, թե ինչու մենք դեռևս չենք տեսնի բաց պատերազմ:

Ռուսաստանի և Հայաստանի միջև հարաբերությունները բավական մոտ են: Ռուսաստանն ունի ռազմակայան Հայաստանում, Ռուսաստանը ռազմական դաշինքի մեջ է Հայաստանի հետ: Հայաստանը միացել է Եվրասիական միությանը, որը գլխավորում է Մոսկվան, և շատ այլ բաներ:

Ադրբեջանն ավելի հեռավոր տարածության վրա է: Ադրբեջանցիները փորձել են մտերմանալ Եվրոպայի և Արևմուտքի հետ: Ռուսաստանը նրանց շատ զենք է վաճառում, բայց դրանք ավելի շատ տնտեսական հարաբերություններ են: Այնպես որ, Ռուսաստանը մի քիչ ավելի շատ Հայաստանի կողմից է: Մինչդեռ, անցյալում, երբ լարվածությունը մեծանում էր, Ռուսաստանը ձգտում էր հակասությունների անմիջական պատճառներով զբաղվել, սակայն պարտադիր չէ, ձգձգված հակամարտությամբ, որը որոշ չափով ձեռնտու է Մոսկվային:

Սակայն, մեծ հարցը, որը շատերին է անհանգստանում, այն է, որ հակամարտությունը չի մնա միայն երկու երկրների միջև: Առկա է Թուրքիայի միջամտության բարձր հավանականությունը, և ինչն ավելի լուրջ է՝ Ռուսաստանի միջամտության բարձր հավանականությունը, եթե բախումներըը վերաճեն լայնամասշտաբ պատերազմի: Եվ պարզ չէ, թե ինչ կլինի հետո, բայց վատ կլինի ամենուր»,- եզրափակել է վերլուծաբանը: