Առնվազն միամիտ պետք է գտնվել՝ հավատալու, որ ՄԱԿ ԱԽ-ն կդիմի միջազգային քրեական դատարան (տեսանյութ)
Քաղաքական
Ազգային ժողովի պատգամավոր, միջազգային քրեական իրավունքի մասնագետ Էդմոն Մարուքյանն այսօր Ազգային ժողովում լրագրողների հետ զրույցում ասաց, որ կատարված վայրագությունների փաստերն իրենց մեջ պարունակում են պատերազմական հանցագործության հատկանիշներ, իսկ պատերազմական հանցագործության հետ կապված տեղեկատվությունը մի օր օգտագործվում է տվյալ պետության իշխանությունների դեմ, մի օր նրանք կանգնում են դատարանի առջև:
«Շատ լուրջ աշխատանք պետք է տանել դիվանագիտական հարթակներում, նաև տեղի ունեցածը փաստաթղթավորելու: Միջազգային քրեական դատարան մենք կարող ենք դիմել ՄԱԿ-ի անվտանգության խորհրդի միջոցով, որովհետև ո՛չ մենք ենք անդամ հանդիսանում, ո՛չ Ադրբեջանը, բայց ՄԱԿ ԱԽ-ն կարող է դիմել միջազգային քրեական դատարան՝ քննությունն անցկացնելու հետ կապված»,- ասաց պատգամավորը:
Մարուքյանը նաև նկատում է, որ պետք է առնվազն միամիտ պետք է գտնվել՝ հավատալու, որ ՄԱԿ ԱԽ-ն նման որոշում կկայացնի, բայց այն, որ մենք այդ փաստերը պետք է հավաքենք և նշված հարցը քննարկման առարկա դարձնենք, արդեն մեծ աշխատանք կլինի:
«Նշված հարցը քննարկելն արդեն բավարար է, որ միջազգային հանրության մոտ լինեն բավարար ապացույցներ, որ Ադրբեջանը հանցագործություններ է իրականացնում»,- ասաց Մարուքյանը:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
