Ապակայունացումը ՌԴ-ի կայսերական գաղափարների օգուտն է. The Wall Street Journal

Երկար ժամանակ վիճելի տարածքի շուրջ Հայաստանի և Ադրբեջանի միջև սառեցված հակամարտությունը սկսել է հալվել, և ոչ լավագույն ձևով: Այս ապակայունացումն օգուտ է դարձել Հարավային Կովկասում Ռուսաստանի կայսերական գաղափարների համար, գրում է The Wall Street Journal-ը:

Շատ հեշտ է հասկանալ, թե ով է շահում մարտական գործողություններից: Պուտինը գիտի, որ այդ հակամարտությունը թուլացնում է Հայաստանին ու Ադրբեջանին, իսկ դրա պատճառով պահպանվում է իրենց կախվածությունը Մոսկվայից՝ որպես զենքի մատակարարի և բանակցային գործընթացում միջնորդի: Եվրասիական կայսրության երազանքի իրականացման համար Պուտինին անհրաժեշտ է թույլ Հարավային Կովկաս, որտեղ Մոսկվան կլինի հիմնական արտաքին ուժ, որը ռազմական ազդեցություն է գործադրելու ու վերահսկելու է տարածաշրջանում կասպիական նավթի հոսքը:

Արևմուտքի սովորությունների մեջ չի մտնում դատել Կովկասում հեռավոր էթնիկ վեճերը: Սակայն, Միացյալ Նահանգները շահագրգռված են նրանում, որպեսզի խանգարեն Պուտինի՝ տարածաշրջանում իր իշխանությունը ամրապնդելուն ուղղված գործողություններին: Սա միջնորդի դեր խաղալու լավ հնարավորություն է ամերիկացի դիվանագետների համար՝ արդարացի ելքին հասնելու նպատակով, որը կնպաստի կայունությանը և կնվազեցնի ռուսական ազդեցությունը: