Մոսկվայում հայ երիտասարդները ևս օգնություն են ուղարկում Արցախ (տեսանյութ)
Սփյուռք
Ապրիլի 1-ից մինչ օրս ադրբեջանական կողմից ակնհայտ հարձակվողական ռազմական գործողություններ են իրականացվում Լեռնային Ղարաբաղի Հանրապետության հետ սահմանի ողջ երկայնքով՝ խախտելով 1994 թվականին կնքված զինադադարի համաձայնագիրը: Օգտագործելով հրետանի, զրահատեխնիկա, համազարկային կրակի ռեակտիվ համակարգեր և օդուժ՝ Ադրբեջանը հրետակոծության է ենթարկել ԼՂՀ խաղաղ բնակավայրերը:
Սահմանին տիրող իրավիճակից ժամեր չանցած բոլորը միայն խոսում էին Արցախ մեկնելու, հայ զինվորի կողքին կանգնելու և պայքարելու մասին։ Մարդիկ անհապաղ հումանիտար օգնություն էին ուղարկում Արցախ՝ անկախ նրանից՝ դրա կարիքը կար, թե ոչ։ Բացառություն չէին նաև Ռուսաստանում ապրող հայ երիտասարդները, ովքեր շատ արագ հումանիտար և դրամական օգնություն ուղարկեցին Արցախ։
Միլիոնավոր մարդիկ լսելով և տեսնելով այս ամենը՝ որոշեցին իրենք ևս օգնություն ցուցաբերել։ Աշխարհի բոլոր երկրներից զանգեր են ստացվում՝ Արցախին և Արցախի ժողովրդին օգնելու պատրաստակամությամբ:
Ռուսաստանի մայրաքաղաք Մոսկվայում հայ երիտասարդները հաշվեհամար են բացել, որով բոլոր ցանկացողները կարող են իրենց նվիրատվությունն անել՝ դրանով իրենց աջակցությունը ցույց տալով Արցախին։
Մանրամասները՝ տեսանյութում։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
