Պուտինը պանամական սկանդալը Ռուսաստանին «հլու-հնազանդ» դարձնելու փորձ է անվանել. The Guardian

ՌԴ նախագահն առաջին անգամ մեկնաբանել է «պանամական փաստաթղթերի» հրապարակումը, գրում է The Guardian-ը: Դրանց ի հայտ գալը նա համարում է Ռուսաստանում իրավիճակն ապակայունացնելու փորձ և չի բացառել, որ օֆշորային սկանդալի հետևում կանգնած է ԱՄՆ-ի կառավարությունը և հատուկ ծառայությունները:

Պուտինն ընդգծել է, որ այս թեմայով հոդվածները, որոնք հրապարակվել են մի քանի տասնյակ միջազգային լրատվական կազմակերպությունների կողմից, «իրավիճակը ներսից ապակայունացնելու փորձերից մեկն է, մեզ ավելի «հլու-հնազանդ» դարձնել»:

ՌԴ նախագահը նաև նշել է, որ «պանամական փաստաթղթերն» ամերիկյան կառավարության և հատուկ ծառայությունների կողմից կազմակերպված դավադրություն է: «Այն, որ դրա հետևում կանգնած են, ասենք նույն Միացյալ Նահանգների պաշտոնյաները, դա մեզ հիմա ցույց է տվել WikiLeaks-ը»,- հայտարարել է նա: