Պուտինի «հստակ ազդանշանը». Svenska Dagbladet

Վլադիմիր Պուտինի կողմից ազգային գվարդիայի ստեղծումը կարևոր իրադարձություն է, գտնում է Միասնական պաշտպանության գիտահետազոտական ինստիտուտի փորձագետ Գուդրուն Պերսոնը: ՌԴ նախագահի նախկին թիկնապահը նոր ուժերի հրամանատար կդառնա, և դա երկար տարիների ընթացքում ամենամեծ վերակազմակերպումը կլինի:

«Ազդանշան է ուղարկված: Եթե դուք պատրաստվում են բողոքի ցույց անցկացնել՝ մոռացեք դրա մասին», - ասում է փորձագետը:

Ռուսաստանի նախագահ Վլադիմիր Պուտինը հանձնարարել է մոտ 210.000 մարդկանցից բաղկացած զինված կառույց ստեղծել, որն անմիջականորեն Կրեմլին կենթարկվի: Դրա ղեկավար է նշանակվել Պուտինի նախկին թիկնապահը: Երկար տարիների ընթացքում առաջին անգամ երկրում իրականացվում է անվտանգության ուժերի վերակազմավորում:

Նոր կառույցը կներառի ներքին զորքերի 140 հազար զինվոր, Հատուկ նշանակության ոստիկանական ջոկատի 40,000 ոստիկան, ինչպես նաև մի շարք այլ կառույցների ներկայացուցիչներ:

Ենթադրվում է, որ նոր ուժերը զբաղվելու են հանցավորության և ահաբեկչության դեմ պայքարով՝ ՌԴ նախագահի անձնական թիկնազորի նախկին պետ Վիկտոր Զոլոտովի գլխավորությամբ:

Օտարերկրյա փորձագետները կարծում են, որ Կրեմլը պատրաստվում է վատագույնին, մասնավորապես, մտավախություններ ունի՝ ապագա ընտրությունների բողոքի հետ կապված:

Բացի այդ, գվարդիան ստիպված կլինի վերահսկել իշխող էլիտայի շրջանում դժգոհության հնարավոր դրսեւորումները, նշում է փորձագետը: