Ինչպե՞ս է դասավորվում իրավիճակը Լեռնային Ղարաբաղում. Atlantico

Atlantico ֆրանսիական պարբերականը անդրադարձ է կատարել ԼՂ-ում տիրող իրավիճակին:

Հոդվածագիր Ալեն Ռոդիեյի գրում է՝ դժվար չէ կռահել, որ Թուրքիան կանգնած է Ադրբեջանի թիկունքում: Նախագահ Ռեջեփ Թայիփ Էրդողանն ուղղակիորեն աջակցում է Բաքվին և այդ հայտարարությունն արել է ԱՄՆ կատարած վերջին այցի ընթացքում. «Մենք աղոթում ենք, որպեսզի մեր ադրբեջանցի եղբայրները նվազագույն կորուստներով հաղթեն (...): Մենք մինչև վերջ աջակցելու ենք Ադրբեջանին»:

Մոսկվան աջակցում է Հայաստանին:

Ռազմական առումով՝ առավելությունը Բաքվի կողմն է, քանի որ բարգավաճող տնտեսությունը թույլ տվեց նրան պաշտպանական բյուջեին 1,5 միլիարդ եվրո տրամադրել: Երկրի բանակը զինված է ռուսական և թուրքական տեխնիկայով, իսկ զենքի մի մասն արտադրված է տեղական մակարդակով:

Ռևանշիզմը կարող է հեշտությամբ նոր պատերազմի հանգեցնել, որը դուրս կգա տեղական մակարդակից: Իրավիճակը խիստ պայթյունավտանգ է:

Մոսկվան կենտրոնական դեր է խաղում ընթացիկ հակամարտություններում կրքերը հանդարտեցնելու հարցում:

Հենց նրա հովանու ներքո՝ Հայաստանի և Ադրբեջանի գլխավոր շտաբերի պետերը ապրիլի 5-ին հանդիպլե են Ռուսաստանում ժամը, որպեսզի հաստատեն կայուն հրադադարը: Սակայն որքա՞ն այն կտևի: Մոսկվայում, ըստ երևույթին, բավարար լծակներ ունի տարածաշրջանում, որպեսզի երկու կողմերին պարտադրի զսպվածություն ցուցաբերել: