Ինչի՞ համար է Պուտինին անհրաժեշտ Կադիրովը. Helsingin Sanomat

Պուտինը թույլատրել է ավտորիտար Կադիրովին ազատորեն գործել իր տարածաշրջանում, միայն թե Չեչնիայում հանգիստ իրավիճակ պահպանվի: Այս մասին գրում է «Helsingin Sanomat»-ը:

Մարտի վերջին Ռուսաստանի նախագահ Վլադիմիր Պուտինը հայտարարել է, որ ինքը կողմ է Ռամզան Կադիրովի՝ Չեչնիայի Հանրապետության ղեկավարի պաշտոնում մնալուն:

Շատերին, այնուամենայնիվ, զարմացրել է Պուտինի հրապարակային հայտարարության կտրականությունը, երբ նա նշել է, որ ռուսական օրենքները պետք է պահպանվեն Չեչնիայում նույնպես, իսկ չեչեն պաշտոնյաները պետք է համագործակցեն դաշնային կառույցների պաշտոնյաների հետ:

Դա ակնհայտ փաստ է, այդուհանդերձ հստակեցման կարիք ունի: Պուտինին ակնհայտորեն անհրաժեշտ էր իրավիճակին միջամտելը, այդ թվում նաև հրապարակավ: Մոսկվայում, այսպես կոչված ուժային գերատեսչությունների շատ պաշտոնյաներին զայրացրել էին Կադիրովի կամայականությունները: Իրավիճակը վատթարացել էր՝ պայմանավորված նրանով, որ Կադիրովի մարդիկ Մոսկվայում վարվում էին այնպես, ինչպես նրանք էին ցանկանում:

Մոսկվայի էլիտայի բարկությունն ավելացել է, երբ Կադիրովը տեղադրել է մի տեսանյութ, որում ընդդիմության ներկայացուցիչ Միխայիլ Կասյանովը ներկայացվել է դիպուկահարի հրացանի թիրախում: Չեչեններին արդեն ներգրավված են համարել նախորդ տարվա փետրվարին ընդդիմության առաջնորդ Բորիս Նեմցովի սպանության մեջ: 

Ստեղծված իրավիճակը գրեթե ուրախացնում է Մոսկվայի էլիտային:

Կադիրովի դեմ չկան ապացույցներ՝ բացառությամբ թիրախով տեսանյութի, սակայն ուժեղ կասկածը նույնպես պետք է բավարար փաստարկ հանդիսանար, որպեսզի Պուտինը սկսեր հանդարտեցնել էլիտային: Հատկապես, երբ ակնհայտ դարձավ, որ ուժային կառույցներում առաջիկա փոփոխությունները լարվածություն կավելացնեն: