Պուտինը երդվեց

Վլադիմիր Պուտինը ստանձնեց Ռուսաստանի նախագահի պաշտոնը՝ երդվելով Ռուսաստանի սահմանադրության վրա։ Նա նախագահի պաշտոնը ստանձնում է երրորդ անգամ, սակայն այս անգամ՝ վեց տարի ժամկետով։ Երդմնակալությունը տեղի է ունեցել Կրեմլի մեծ սրահում։

Պուտինը աջ ձեռքը դնելով սահմանադրության վրա, ասել է, «Երդվում եմ Ռուսաստանի Դաշնության նախագահի լիազորությունները ստանձնելով հարգել և պաշտպանել մարդու և քաղաքացու իրավունքներն ու ազատությունները, հարգել և պաշտպանել Սահմանադրությունը և Ռուսաստանի Դաշնության ինքնիշխանությունն ու անկախությունը, պետության անվտանգությունն ու ամբողջականությունը և հավատարմորեն ծառայել ժողովրդին»։