Ամերիկյան կեղծ 100 դոլարանոցներից մեկն իրացրել է մսի վաճառքի կետում, երկուսը՝ խանութում, մեկը՝ բենզալցակայանում, իսկ մյուսները…
Իրավունք
Քրեական գործի նախաքննությամբ պարզվել է, որ քաղաքացի Սարգիս Ղուկասյանը 2015թ. նոյեմբերի 29-ի կեսօրին գործով չպարզված հանգամանքներում և անձանցից իրացնելու նպատակով Բագրատաշենի մաքսակետի հարակից տարածքում ձեռք է բերել լազերային և հարթ տպարանային տպագրման եղանակով պատրաստված թվով 11 հատ 100 ԱՄՆ դոլար անվանական արժեքով կեղծ թղթադրամներ:
Ս. Ղուկասյանը, ըստ մեղադրական եզրակացության, կեղծ թղթադրամներից մեկն իրացրել է Բագրատաշեն գյուղում գտնվող մսի վաճառքի կետում, երկուսն իրացրել է Բագրատաշեն գյուղում գտնվող խանութում, մեկն իրացրել Պտղավան գյուղի վարչական տարածքում գտնվող բենզալցակայանում, իսկ մնացած կեղծ թղթադրամները պահել է իր գրպանում: Հենց դրանք էլ հայտնաբերվել են ոստիկանության Նոյեմբերյանի բաժնի Բագրատաշենի բաժանմունքում նրա անձնական խուզարկության ժամանակ: Վերը նշված արարքի համար Սարգիս Ղուկասյանին մեղադրանք է առաջադրվել ՀՀ քրեական օրենսգրքի 202-րդ հոդվածի («Կեղծ փողեր կամ արժեթղթեր պատրաստելը, պահելը կամ իրացնելը») 1-ին մասի հատկանիշով, որպես խափանման միջոց ընտրվել է կալանքը:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
