Լեռնային Ղարաբաղը մարմնավորում է Եվրասիայի բոլոր աշխարհաքաղաքական հակամարտությունները. Sankei

Լեռնային Ղարաբաղում՝ ինչպես ջրի մի կաթիլում, արտացոլված են Մերձավոր Արեւելքի բոլոր հիմնական աշխարհաքաղաքական ճգնաժամերը, «Sankei Shimbun» էջերում պնդում է պրոֆեսոր Մասայուկի Յամաուչին: Այստեղ է նաև Հայաստանի և Ադրբեջանի միջև խորհրդային հակամարտությունը, Ռուսաստանի և Թուրքիայի անուղղակի բախումը, Ռուսաստանի և Արևմուտքի առճակատումը, որում Մոսկվան ձգտում է պաշտպանել իր հարավային սահմանները, թվարկում է հեղինակը:

Ռուսաստանը չունի մտադրություն սրելու Լեռնային Ղարաբաղի խնդիրը՝ վերահսկողության կորստի վիճակին հասցնելով:

Չնայած նրան, որ Ռուսաստանը միշտ էլ հրահրում էր Հարավային Կովկասում էթնիկական դիմակայությունները և վնասում տարածաշրջանի բնակիչների շահերին՝ հակամարտության այնպիսի տեղական օջախների օգնությամբ, ինչպիսին է Լեռնային Ղարաբաղի առճակատումը, այնուամենայնիվ նրա համար դա կրկնակի եզերքով սրի նման է եղել: 

Այսպես թե այնպես Լեռնային Ղարաբաղում տեղի ունեցած բախումների ժամանակ մի պահ պարզ է դարձել հսկայական աշխարհաքաղաքական խաղը, որը ձգվում է Ղրիմից և Արևելյան Ուկրաինայից մինչև Հարավային Կովկաս և Մերձավոր Արելք: Այն, որ Արևմուտքի և Ռուսաստանի շահերի վիթխարի առճակատումը, ինչպես նաև հարակից Թուրքիայի և Իրանի՝ ընդունել է զինված առճակատման ձևը այնպիսի «դետալում», ինչպիսին Լեռնային Ղարաբաղն է, պատահական չէ: