Սառեցումը չի հաջողվել. Bloomberg
Համաշխարհային Մամուլ
Նավթ արտահանող երկրների կողմից նավթարդյունահանման սառեցում չի եղել Սաուդյան Արաբիայի փոփոխված դիրքորոշման պատճառով, որը հրաժարվել է ընդունել ցանկացած գործարք առանց Իրանի մասնակցության: Այս մասին գրում է Bloomberg-ը:
«Նավթի հետ կապված մեծ գործարքն Իրանի վրա Սաուդյան Արաբիայի մոլեգնության զոհ է դարձել»,- ասվում է Դոհայում բանակցությունների մասին գործակալության հոդվածի վերնագրում:
«Սառեցման հետ կապված գործարքը, որը փետրվարին քննարկել են որպես առաջին կոորդինացված գործողություն Նավթ արտահանող երկրների կազմակերպության (ՕՊԵԿ) երկրների և ՕՊԵԿ-ի անդամ չհանդիսացող երկրների միջև 15 տարում, Սաուդյան Արաբիայի և նրա հիմնական տարածաշրջանային հակառակորդի (Իրանի) միջև լարվածության զոհ է դարձել, որի հետ հարաբերությունները խափանվել են Սիրիայում և Եմենում «ուրիշի ձեռքով» հակամարտությունների պատճառով»,- նշում է գործակալությունը:
Նշում է, որ Սաուդյան Արաբիան սկզբում խոսում էր գործարք կնքելու հնարավորության մասին, բայց Դոհայում բանակցություններում կոշտ դիրք է զբաղեցրել և հրաժարվել է որևէ համաձայնագրի աջակցել առանց Իրանի մասնակցության:
Նավթ արդյունահանող երկրները կիրակի Դոհայում հանդիպման արդյունքներով չեն կարողացել համաձայնության գալ նավթի արդյունահանման մակարդակի սառեցման շուրջ:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
