Մերկելի վարկանիշը կտրուկ ընկել է լրագրողի հետ կապված սկանդալի պատճառով. Die Zeit

Անգելա Մերկելի ժողովրդականությունը կտրուկ ընկել Է այն բանից հետո, երբ Գերմանիայի կառավարությունը թույլ տվեց լրագրող Յան Բեմերմանի նկատմամբ քրեական հետապնդում սկսել, որն իր հաղորդման եթերում վիրավորական ոտանավոր Է կարդացել Թուրքիայի նախագահ Ռեջեփ Թայիփ Էրդողանի հասցեին, տեղեկացնում է «Արմենպրես»-ը՝ հղում անելով Die Zeit-ին:

Հարցման տվյալներով, որը Infratest Dipmap սոցիոլոգիական ինստիտուտն անցկացրել Է հատուկ ARD-ի ալիքի համար, գերմանացիների միայն 45 տոկոսն Է բավարարված իր կանցլերի աշխատանքով:

Մինչդեռ ապրիլի սկզբին, նախքան Բեմերմանի հետ կապված որոշման հրապարակումը, Մերկելին պաշտպանում Էր քաղաքացիների 56 տոկոսը:

Բացի այդ, մեկ այլ հարցման համաձայն, որն անցկացվել Էր Bild am Sonntag թերթի պատվերով, գերմանացիների 66 տոկոսը հանդես Է գալիս հեռուստահաղորդավարի քրեական հետապնդումը թույլատրելու ԳՖՀ-ի կառավարության որոշման դեմ:

Այս նախաձեռնության պաշտպանությամբ հանդես Է եկել հարցվածների 22 տոկոսը, եւս 12-ը ձեռնպահ Է մնացել:

Ինչպես նշում Է Die Zeit-ը, դեռ երբեք կանցլերի պաշտոնում գտնվելու ընթացքում Մերկելի հեղինակությունն այսչափ խախտված չԷր եղել, հաղորդել Է ՌԻԱ Նովոստին: