Սահմանը փակելու վերաբերյալ Պուտինի կոչը ոչինչ չի նշանակում Թուրքիայի համար. Hürriyet

Ինչպես հայտարարել է Թուրքիայի վարչապետ Ահմեթ Դավութօղլուն, միայն Անկարան իրավունք ունի իր սահմանների վերաբերյալ վերջանական որոշում կայացնել, և այլ պետությունների բոլոր հայտարությունները նրա համար ոչինչ չեն նշանակում: Այդ կերպ է թուրք քաղաքական գործիչն արձագանքել Վլադիմիր Պուտինի և Բարաք Օբամայի թուրք-սիրիական սահմանը փակելու կոչին, հաղորդում է Hürriyet Daily News-ը:

Փակ դռների հետևում և Անկարայի ներկայացուցիչների բացակայությամբ Պուտինի ու Օբամայի զրույցը նվազագույն նշանակություն անգամ չունի, քանի որ միայն Թուրքիան իր սահմանների վերաբերյալ վերջնական որոշում կայացնելու իրավունք ունի, մեջբերում է Hurriyet Daily News-ը Թուրքիայի կառավարության ղեկավարի խոսքերը:

Ապրիլի 18-ին ԱՄՆ-ի և Ռուսաստանի նախագահները հեռախոսազրույց են ունեցել: Զրույցի ընթացքում, ինչպես հայտնի է դարձել Hürriyet Daily News-ին, Պուտինը պնդում էր Թուրքիայի և Սիրիայի միջև սահմանի փակման վրա, քանի որ այնտեղից շարունակվում են զենքի մատակարարումները ծայրահեղականներին: