Ռուսաստանը պատրաստվում է հարաբերությունների սառեցմանը. Helsingin Sanomat

Բալթիկ ծովի երկնքում ամերիկյան նավերի մոտ ռուսական ռազմական ինքնաթիռների թռիչքները ցույց են տալիս, որ երկրների միջև հարաբերություններում առկա լարվածության նվազման հույսերը հեռու են իրականությունից, գրում է Helsingin Sanomat-ը:

Ռուսաստանը չի ակնկալում, որ մոտ ժամանականերս Արևմուտքը կհրաժարվի հակառուսական պատժամիջոցներից, որոնք սահմանվել են Ղրիմի բռնակցման և Ուկրաինայի արևելքում ռազմական գործողությունների հետ կապված: Ռուսաստանը նույնպես չի պատրաստվում չեղյալ հայտարարել պատասխան պատժամիջոցները: Նախագահ Վլադիմիր Պուտինը հաստատել է Ռուսաստանի դիրքորոշումը ապրիլի 14-ին տեղի ունեցած «ուղիղ գծի» ընթացքում:

Միջադեպն ինքնին նշանակալից էր: Դա հիշեցում է այն մասին, որ Բալթյան տարածաշրջանում, որն անմիջականորեն մոտ է Ֆինլանդիային, կարող են կարևոր իրադարձություններ տեղի ունենալ: Ռուսաստանը պաշտպանում է իր շահերը՝ ռազմական ուժի դրսևորման օգնությամբ, իսկ արևմտյան երկրները տեղի ունեցածին արձագանքում են՝ ավելացնելով ռազմական ներկայությունը:

Հնարավոր է, որ Ռուսաստանի կողմից ուժի նոր դրսևորում է սպասվում, թեև նախապայմանները բավականին հակասական են: Ապրիլի 14-ին Պուտինը գովել է նախագահ Բարաք Օբամային:

Լավագույնը, ինչի վրա այժմ հնարավոր է հույս դնել՝ Ռուսաստանի կողմից միջադեպերի դադարեցումն է: Առայժմ, Արևմուտքը նոր փոխադարձ գործողությունների առիթ չունի: