Մոսկվա մեկնելը ճիշտ էր. Հովիկ Աբրահամյան
Տնտեսություն
Այսօր` ՀՀ ԳԱԱ տարեկան ընդհանուր ժողովին մասնակցելուց հետո, վարչապետ Հովիկ Աբրահամյանը լրագրողների հետ զրույցում ասաց, որ ինքը ճիշտ է համարում Մոսկվայում կայացած Եվրասիական միջկառավարական խորհրդի նիստին մասնակցելու որոշումը:
ԼՈւՐԵՐ.com-ի տեղեկացմամբ՝ վարչապետն ասաց, որ ինքը չպետք է զգացմունքներով որոշում կայացներ, պետք է մտածեր՝ մեր պետության շահերից ելնելով:
Վարչապետի խոսքով՝ ՌԴ վարչապետ Դմիտրի Մեդվեդևը Հայաստան այցի ժամանակ խնդրել է իրեն, որպեսզի մասնակցի նիստին:
«Ես, իհարկե, կարող էի չմասնակցել ու հաճոյանալ ժողովրդի այն հատվածին, որն ասում էր՝ մի գնացեք, պատիվ չի բերի, բայց կարծում եմ՝ գնալը շատ ճիշտ էր, արդյունավետ էր: Մենք պետք է ամրապնդենք մեր դաշնակից պետությունների հետ հարաբերությունները: Այնտեղ առաջին իսկ պահին որոշում կայացվեց, որ մայիսի 20-ին Երևանում անցկացվի ԵԱՏՄ վարչապետների խորհրդի նիստը: Այդ որոշումը միաձայն ընդունվեց: Գնալը շատ արդյունավետ էր, և մեր դաշնակցի՝ ՌԴ-ի հետ մեր հարաբերությունները պետք է ամրապնդենք»,- ասաց Աբրահամյանը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
