Ռուսաստան-ՆԱՏՕ խորհուրդն ունակ է Պուտինին «զինաթափել». Süddeutsche Zeitung

Ռուսաստան-ՆԱՏՕ նորացված խորհրդի նպատակը ոչ թե գործընկերության, այլ ավելի շուտ Մոսկվայի և Արևմուտքի միջև «միջադեպերից և թյուրիմացություններից» խուսափելու ձգտման մեջ է: Սակայն, հարաբերություններում թափանցիկությունը՝ Վլադիմիր Պուտինին՝ Արևմուտքի համար կանխատեսելի կդարձնի, Süddeutsche Zeitung թերթում գրում է լրագրող Դանիել Բրեսլերը: Իսկ դա նրան ձեռնտու չէ, քանի որ այդ դեպքում նա կզրկվի իր «սիրած զենքից»:

Հաճախ է հնչում նախատինքը, որ ՆԱՏՕ-ի և Մոսկվայի միջև բավականաչափ երկխոսություն չի անցկացվում: Սակայն, Ռուսաստանի նախագահ Վլադիմիր Պուտինը մշտական կապի մեջ է Արևմուտքի ղեկավարների հետ, և նրանց հետ քննարկում է Ուկրաինայի և Սիրիայի թեմաները: «Արևմուտքն ու Ռուսաստանը կիսում է ոչ թե լռությունը, այլ խորը իմաստային անդունդը»,- կարծում է Բրսելերը: «Բռնակցելով» Ղրիմը և «ուժ կիրառելով» Ուկրաինայի դեմ՝ Պուտինը թշնամանք է ցանել Ռուսաստանի և Արևմուտքի միջև: Նա դա սխալմամբ և ժամանակավոր չի արել: Ճեղքվածքն իրողություն է դարձել, և այն չի կարող «բարի զրույցով» հաղթահարվել:

Ռուսաստան-ՆԱՏՕ խորհուրդը, իհարկե, չի կարելի Կրեմլի ապագա «ագրեսիայի» կանխման միջոց համարել, սակայն այն կարող է նոր իմաստ ձեռք բերել, համոզված է Բրեսլերը: