Պուտինը ցանկանում է հետք թողնել պատմության մեջ. Helsingin Sanomat

Helsingin Sanoma թերթի կողմից կազմակերպված զրույցում քննարկվում էր այն պնդումը, որ Պուտինը երբեք չի ունեցել ավելի քան մի քանի ամսվա ծրագիր: Ըստ լրագրող Միխաիլ Զիգարի՝ Պուտինի ղեկավարության ոճը՝ միայն արձագանք է ուրիշների գործողություններին:

Դա հաստատում է այն փաստը, որ Պուտինը չէր նախատեսում այդքան երկար երկրի ղեկավար լինել: Նա ընդհանրապես չէր ցանկանում նախագահ լինել:

«2000-ականների սկզբին, նա հայտարարել էր, որ ավելի շատ կցանկանար «Գազպրոմի» ղեկավար դառնալ, քան վարչապետ կամ նախագահ: Պուտինի ընկերները հիշում են, որ իր առաջին նախագահական ժամկետի սկզբին նա իրեն անվստահ էր զգում և նրան դուր չէր գալիս այդ աշխատանքը»,- ասում է Զիգարը:

Պրոֆեսոր Իրինա Բուսիգինայի կարծիքով՝ Պուտինը կարողացել է ավելի ուժեղ Ռուսաստան ստեղծել, քան հնարավոր էր պատկերացնել, և դա չէր հաջողվի առանց ռազմավարության:

«Ռազմավարություն ոչ թե երկրի, այլ իր համար»,- ասում է Բուսիգինան:

«Խոսքն աշխարհում նրա տեղի մասին է: Պուտինը ցանկանում է, որպեսզի պատմության մեջ նա հիշվի որպես պետության գրանդիոզ կառուցող: Հետևաբար, նրա ռազմավարությունը շիտակ չէ», - ասում է պրոֆեսորը:

Լրագրող Զիգարը նույնպես հաստատել է, որ Պուտինը՝ խարխափելով, իր տեղն է փնտրում պատմության մեջ: