Ռիսկը մեծ էր. The National Interest-ի անդրադարձը՝ Ղարաբաղյան հակամարտւթյանը

Աշխարհը նույնիսկ չի էլ նկատել, թե ինչպես ապրիլի սկզբին գրեթե բռնկվել էր նոր կործանարար պատերազմ: Սակայն նրա սպառնալիքը պահպանվում է, և եթե դա տեղի ունենա, կարող է բռնկվել ամբողջ տարածաշրջանը, գրում The National Interest-ը՝ անդրադարձ կատարելով Լեռնային Ղարաբաղում վերջերս տեղի ունեցած իրադարձություններին:

Ղարաբաղը, ինչպես նաև ողջ տարածաշրջանը, անիծված է աշխարհաքաղաքականության, էթնիկ և կրոնական ատելության, ազգայնականության ուժերի և ինքնիշխանության կողմից: Ընդամենը մի քանի շաբաթ առաջ, այդ ուժերը գրեթե պայթեցրել են փխրուն աշխարհը, որը արդեն քսան տարի է, ինչ կախված է թելից:

Նման պատերազմի մեջ հեշտությամբ կարող են ներքաշվել Ռուսաստանը, Թուրքիան և Իրանը, ապա Սև ծովից մինչև Կասպից ծով քաոսի և տառապանքի կամար կառաջանա, իսկ պատերազմը Խորհրդային Միության փլուզումից հետո՝ Եվրասիայում կվերածվի ամենամեծ հակամարտության: Դա կհանգեցնի ոչ միայն մարդկանց կորստի: Եվրոպան կզրկվի Ադրբեջանի նավթից, որի մատակարարումները մեծ չեն, սակայն կարևոր են քաղաքական առումով, և իրականացվում են այնպիսի երթուղիներով, ինչպիսիք են Բաքու-Թբիլիսի-Ջեյհան խողովակաշարը: Այս դեպքում, հարցականի տակ կհայտնվի Ադրբեջանի փառասիրությունը, որը ձգտում է ապագայում՝ դեպի Եվրոպա բնական գազի խոշոր մատակարարը դառնալ:

Պարբերականը նշում է տարածաշրջանում Ռուսաստանի մոտիվների ու հավակնությունների մասին, ինչպես նաև սոցիալական ցանցերում հայտնված ադրբեջանական կողմի հայտարարությունները, որ ներկա ճգնաժամի հետևում, չգիտես ինչու, Կրեմլն է կանգնած:

Ռուսաստանը կարողացել է համեմատաբար լավ հարաբերություններ պահպանել ինչպես Բաքվի, այնպես էլ Երևանի հետ, և նա զենք է մատակարարում երկու կողմերին: Ամենամեծ անհամաչափությունը՝  Մոսկվայի և Երևանի միջև արդեն երկար ժամանակ գործող պաշտպանական պակտն է: Սակայն դրա պայմանները բավարար անորոշ են, այդ պատճառով որոշ վերլուծաբաններ կասկածում են, որ Ռուսաստանը պարտավոր կլինի Հայաստանին օգնության հասնել, եթե Ադրբեջանը զանգվածային հարձակում սկսի և վերադարձնի Ղարաբաղը: Նման անորոշությունը Ռուսաստանին տալիս է իր օգտին պայմանները թելադրելու հնարավորություն, եթե հակամարտությունն իսկապես բռնկվի: