Ռուսաստանին զսպելու կոչով է հանդես եկել Օբաման. Der Spiegel
Համաշխարհային Մամուլ
ԱՄՆ նախագահ Բարաք Օբաման դիմելու է Գերմանիայի կանցլեր Անգելա Մերկելին Հաննովերում ապրիլի 25-ին կայանալիք մինի գագաթաժողովի ժամանակ՝ Ռուսաստանի ռազմական զսպմանը ակտիվորեն մասնակցելու կոչով: Այս մասին հայտնում է Der Spiegel-ը՝ հղում անելով Գերմանիայի կառավարության՝ իր ձեռքի տակ հայտնված փաստաթղթին:
Բացի Օբամայից ու Մերկելից՝ հանդիպմանը մասնակցելու են նաև Մեծ Բրիտանիայի և Իտալիայի վարչապետեր Դևիդ Քեմերոնը և Մատեո Ռենցին, ինչպես նաև Ֆրանսիայի նախագահ Ֆրանսուա Օլանդը:
Փաստաթղթի համաձայն, որը հայտնվել է պարբերականի տրամադրության տակ, ԱՄՆ-ը պնդում է, որ բունդեսվերը ավելի լայնորեն մասնակցի ՆԱՏՕ-ի ստորաբաժանումների ռոտացիային, որը տեղակայվելու է դաշինքի արևելյան ճակատում՝ Բալթյան երկրներում, Լեհաստանում, Ռումինիայում:
Ընդ որում՝ Վաշինգտոնում հույս ունեն, որ Գերմանիան, ինչպես նաև Մեծ Բրիտանիան, այդ նպատակով կտրամադրեն իրենց զինվորներին ու ռազմական տեխնիկան, նշում է Der Spiegel-ը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
