«Ցար» Պուտինը միշտ հաղթում է. New York Post

Անկախ նրանից, թե որքան էլ «թուլամորթ» արևմտյան էլիտաները չեն ծաղրում «համեստ» ու «անքաղաքավարի» Վլադիմիր Պուտինին, Ռուսաստանի նախագահը «սովոր է հաղթել», գրում է New York Postո-ւմ փորձագետը Ռալֆ Պիտերսը: Ռուս ղեկավարի «հեչ պետքն էլ չեն» արևմտյան քաղաքական գործիչների կարծիքները. նա խաղում է գլոբալ լսարանի համար, որը նրա մեջ «համարձակ և հաջող առաջնորդի» է տեսնում:

Պուտինի խաղը նաև ոչ մի լավ բան չի կանխատեսում Եվրոպայի համար, սակայն, ինչպես և միջնադարյան վենեցիացիները, «նա գիտի իր գործը», խոստովանում է հեղինակը:

«Պուտինը պատժել է Վրաստանին, պահանջել է ետ վերադարձնել Ղրիմը, ներխուժել Ուկրաինայի արևելք,կրկին բռնկել պայքարը Հայաստանի և Ադրբեջանի միջև, որպեսզի վախեցնի նավթով հարուստ Ադրբեջանին` թույլ չտալով նրան սիրախաղ անել Արևմուտքի հետ»:

Նա զինում է Իրանին ՀՕՊ համակարգերի վերջին մոդելներով: Նա «հաջողությամբ ներխուժել» է Սիրիա` «ոչնչացնելով Ամերիկայի աննշան արբանյակները, Եվրամիության խարխլման և Բաշար Ասադի իշխանությունը պահելու համար` ստեղծել է փախստականների հերթական ալիքը»:

ՆԱՏՕ-ի հետ հարաբերություններում նա «նույնպես գլխից վեր է ցատկում», նշում է հոդվածի հեղինակը: Մեկը մյուսի հետևից «վտանգավոր սադրանքներով», նա ցույց է տալիս, որ նույնիսկ մտադրություն չունի նահանջել: Նա, ավելի շուտ, «լավ ժամանակ է անցկանցում` անհարմար դրության մեջ դնելով Միացյալ Նահանգներն ու նրանց նախագահին», կարծում է ասում է Ռալֆ Պիտերսը:

Արևմտյան առաջնորդները գալիս ու գնում են, բայց Պուտինը մնում է, նշում է հոդվածագիրը: Նա, ամենայն հավանականությամբ, ԱՄՆ երեք նախագահներին էլ կվերապրի, կանխատեսում է Պիտերսը: