Պուտինը շնորհավորել է ԱՊՀ երկրների իր կոլեգաներին և վրացի ժողովրդին Հայրենական մեծ պատերազմում հաղթանակի առթիվ

Ռուսաստանի նախագահ Վլադիմիր Պուտինը շնորհավորական ուղերձ է հղել ԱՊՀ անդամ երկրների ղեկավարներին և վրացի ժողովրդին՝ Եկրորդ համաշխարհային պատերազմում տարած հաթանակի 67-րդ տարելիցի կապակցությամբ, հաղորդում է Ռիա նովոստին։

Պետությունների ղեկավարներին ուղղված շնորհավորական ուղերձում Պուտինը նշել է այդ երկրների պատերազմի վետերանների հերոսության և սխրանքների մասին, և վստահություն հայտնել այդ երկրների միջև համագործակցության շարունակությանը։

Շնորհավորական ուղերձի միակ բացառությունը եղել է Վրաստանը, քանի որ Պուտինը միայն շնորհավորել է վրացի ժողովրդին։

«Ինչքան ժամանակ էլ անցնի Երկրորդ համաշխարհային պատերազմից, միևնույն է՝ մայիսի 9-ը ընդմիշտ կմնա հպարտության և ընդհանուր հիշողության օր ռուս և վրացի ժողովուրդների համար, որոնք ուս-ուսի կռվել են նացիստական զավթիչների դեմ», - ասված է Պուտինի՝ վրացի ժողովրդին ուղղված շնորհավորական ուղերձում։

Հիշեցնենք, որ Ռուսաստանի իշխանությունը բազմիցս հայտարարել է, որ մտադիր չէ երկխոսել Վրաստանի ներկայիս իշխանությունների հետ։