Ինչո՞ւ 1,5 մլն հայերի սպանությունը պաշտոնապես ցեղասպանություն չեն անվանում. Independent

Բրիտանական Independent թերթը հոդված է հրապարակել՝ «Ինչո՞ւ 1,5 մլն հայերի սպանությունը պաշտոնապես չեն անվանում ցեղասպանություն» վերնագրով:

«Այս օրերին Երևանում էր Ջորջ Քլունին, ով մարդասիրական մրցանակաբաշխության ժամանակ կոչ է արել աշխարհին ճանաչել Հայոց ցեղասպանությունը:

Իր ելույթում ՀՀ նախագահ Սերժ Սարգսյանը հայտարարել է Լեռնային Ղարաբաղում վերջին բռնկման մասին: Նա ընդգծել է այնտեղ ապրող հայերին աջակցելու մասին և դատապարտել Ադրբեջանին, որ վերջինս հայտարարում է տարածաշրջանից հայերին արտաքսելու պլանների մասին:

Լոս Անջելեսում հիշատակի արարողություններ, ցույցեր ու երթեր են տեղի ունեցել: Տասնյակ հազարավոր մարդիկ դուրս են եկել փողոց և երթով շարժվել Թուրքիայի հյուպատոսության շենք՝ կոչ անելով Թուրքիային և ԱՄՆ-ին ճանաչել Ցեղասպանությունը:

Թուրքիայի նախագահ Ռեջեփ Թայիփ Էրդողանը հանդես է եկել ուղերձով, սակայն ոչինչ չի ասել տեղահանությունների մասին: Դրա փոխարեն նա ողջունել է հիշատակի արարողությունները՝ հիշատակել «այն օսմանցի հայերին, որոնք կյանքից հեռացել են, և հղել իր ցավակցությունը նրանց թոռներին ու ծոռներին»: Դրանից հետո նա քննադատել է պատմությունը քաղաքականացնելու ջանքերը:

ՀՀ նախագահ Սերժ Սարգսյանը դատապարտել է Թուրքիային՝ ժխտման քաղաքականության համար»,-ասված է հոդվածում: